بسبب بخار سخان الغاز..الفنانة هدى هاني تتعرض لـ أزمة صحية «تفاصيل»

كشفت الفنانة هدى هاني والتي عمتها الفنانة القديرة هناء الشوربجي عن تعرضها لأزمة صحية بسبب إستنشاق غاز اول اكسيد الكربون مع غاز الكلوريد الناتج من حمام السباحة وسخانات احتراق الوقود، وذلك عبر حسابها الرسمي عبر موقع التواصل الإجتماعي فيسبوك.

 تحيا مصر يرصد لكم تفاصيل الأزمة الصحية للفنانة هدى هاني وذلك خلال السطور القادمة.

هدى هاني: اتكتبلي عمر جديد

ونشرت الفنانة هدى هاني فيديو لها، كانت تقوم فيه بعمل أشعة على المخ والصدر، وكتبت عن تفاصيل حالتها الصحية، وعلقت على هذا الفيديو: انا من الناس اللي عمري والا نزلت صورة ليا وانا مريضة او فيا حاجة مكسورة او مركبة كانيولا او اقول ادعولي او اي حاجة من دي.. ..(لاني مش بفضل اعمل كده) ..بس التجربة  المرة دي غريبة ومختلفة وحبيت اشاركها معاكم عشان تاخدوا بالكم كويس .... وربنا أراد اني ابقي فيها والحمدلله علي كل حاجة ربنا يعملها 🙏🏻. وأردفت هدى: ده كان أشعة علي المخ والصدر وطبعا تحاليل دم وتركيب أكسجين وغيره وغيره وناس دخلت الرعاية المركزة عشان تسمم دم ونقص الأكسجين في الدم ...... وتابعت: اللي حصل ان انا و٤ بنات معايا كمان استنشقنا غاز اول اكسيد الكربون مع غاز الكلوريد الناتج من حمام السباحة وسخانات احتراق الوقود اللي طلعت لنا الشي اللي استنشقناه من غير ما نحس بيه .... لانه والا لون والا طعم والا رائحة خاااالص ...وده الغاز اللي  بيسموه (الموت اللذيذ )لأنك مش بتحس باي حاجة غير انك بيغمي عليك وانت ونصيبك في الوقت اللي قعدته مع الغاز ده....لان الأكسجين بيحصل انه مش بيوصل للمخ ودي معروف بيحصل بعدها ايه».

هدى هاني تحذر المواطنين من تسريب الغاز

وتابعت هدى محذرة المواطنين من تسرب الغاز: مش عارفة ايه حل الموضوع ده غير انكم تأمنوا نفسكم كويس وتاخدوا بالكم من سخانات الغاز اللي في البيوت ...وفي الأول والآخر ربنا بيسترها معانا ... قدر الله وما شاء فعل ...اتكتب لنا عمر جديد والحمد لله رب العالمين🙏🙏.

معلومات عن هدى هاني

ولدت هدى يوم 18 سبتمبر 1978 ونشأت هدى في عائلة فنية فعمتها في الفنانة هناء الشوربجي، و بدأت التمثيل مذ كان عمرها ست سنوات أمام الفنانين محمد صبحي وسعاد نصر في مسرحية الهمجي كما إنها كانت تشارك في برامج الأطفال التلفزيون المصري، ولكن شهرتها ظهرت خلال «شخصية جهاد» في مسلسل يوميات ونيس مع الفنان محمد صبحي وشاركت بجميع أجزاء المسلسل حتى الجزء السابع، شاركت بالعديد من الأعمال الأخرى ولم تظهر بالأعمال السينمائية إلا مرات قليلة، وهي متزوجة من المصور «أسامة بركات».