محمود حجازي يدافع عن ريهام حجاج: «مظلومة وملهاش علاقة باعتزال توفيق عبد الحميد»

خرج الفنان المصري محمود حجازي عن صمته ليدافع عن الفنان ريهام حجاج بعد أن حملها الجمهور مسئولية اعتزال الفنان القدير توفيق عبد الحميد، مؤكدًا على أنها تتعرض للظلم دائمًا. 

تحيا مصر يرصد دفاع الفنان محمود حجازي عن النجمة ريهام حجاج. 

محمود حجازي يقف بجانب ريهام حجاج

كتب محمود حجازي عبر حسابه الرسمي على موقع التواصل الاجتماعي «فيسبوك»: "أنا في حاجه ماكنتش عايز اتكلم فيها بس بجد مش قادر اشوف حد علاقتي بيه طيبه وبشتغل معاه وبشوفه بيتعب قد ايه وبيتعامل مع كل الناس بشكل محترم جدا والاقيه ديما بيتظلم من الناس من غير ما تعرف تفاصيل ديما هو اللي بيشيل المشاكل كلها سؤاء كان جزء منها او ميعرفش حاجه منها"

وتابع: "أنا السنه دي بشتغل ٣ مسلسلات جواه رمضان وكانت سنه صعبه جدا وممتعه جدا وانا محظوظ اني اشتغلت مع الاستاذ توفيق عبد الحميد اللي لسه شايف قرار انه بعد الانتهاء من تصوير مسلسل يوترن سوف يعتزل الفن.. قد ايه الخبر ده زعلني جدا وبتمني انه يتراجع فيه ويفضل يمتعنا بفنه الحقيقي المبهر وان شاء الله هيحصل كده". 

وأضاف: "وكمان زعلت جدا لما شوفت الحملات والناس اللي عايزه تستغل الخبر ده لهدم وتشويه شخص هو بعيد كل البعد عن القرار ده بس لمجرد انهم عايزين يهدموا اي نجاح بشكل مليان ظلم وعدم فهم واستنتاجات ليس لها علاقه بالحقيقة". 

محمود حجازي يشيد بالفنانة ريهام حجاج

واختتم حديثه قائلًا: "والمشكله ان دي طريقه بتتكرر وكل مره بقول اكيد الناس هاتفهم لوحدها بس الاقي الموضوع مكمل بطرق غريبه والغريب اكتر ان في ناس بتستغل الموضوع ده.. وانا مش بكتب الكلام ده و مستني اي حاجه غير اني حسيت لو انا اللي وقع عليه الظلم ده وعايز الناس تفهم بس.. انا ده تاني عمل ليا مع الاخت العزيزة ريهام حجاج ووالله والله انا كلامي هتحاسب عليه قدام ربنا يعني ولا حد في الدنيا دي كلها هيأثر عليه غير الحق.. واسف اني طولت عليكم وكل سنه وحضراتكم طيبين".

جدير بالذكر أن مسلسل يوتيرن من تأليف أيمن سلامة وإخراج سامح عبد العزيز، ويعد التعاون الأول بين ريهام حجاج وشركة العدل جروب التي أعلنت أن ريهام ستكون نجمتها الثالثة بموسم رمضان بجوار يسرا ونيللي كريم.