عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

تامر حسني: قدمت بحبك لأن السينما كانت مليانة بالعنف وربنا راضاني بالإيراد

فيلم بحبك _ أرشيفية
فيلم بحبك _ أرشيفية

كشف نجم الجيل، الفنان تامر حسني، عن كواليس التحضير لفيلمه الجديد بحبك، وسبب تأليفه لفيلم رومانسي بدلًا من كوميدي أو أكشن.

تحيا مصر يرصد كواليس تحضير تامر حسني لفيلم بحبك. 

كواليس تحضير فيلم بحبك

وقال تامر حسني، خلال مداخلة هاتفية لبرنامج كلاكيت المذاع على نجوم إف إم: قدمت بحبك لأن السينما كانت مليانة بالعنف وربنا راضاني بإيراد عمري ما كنت أتخيله.. الواحد بيتفرج على الساحة السينمائية عامله إزاي، كلها ضرب وقتل ودم".

وتابع: "وكل ما أفكر وأقعد مع المنتجين أقول عايز أعمل فيلم رومانسي، يقولولي لأ خليك في حاجة تانيه، ودخلت بالفيلم لازم يكون في مشاعر وعواطف، وطلعت أنا الصح في الآخر، وأتمنى يشوفوا المنتجين اللي قالولي متنزلش الصيف ده".

واختتم حديثه قائلًا: "الله أعلم هألف وأخرج تاني مع بعض كده ولا لا.. لازم في مشاعر توصل للناس وفي حاجات كتير في الحب مبقتش موجودة زي الأول".

أطلق الجمهور حملة سخرية على فيلم بحبك بطولة الفنان ونجم الجيل تامر حسني بسبب مشهد البطاقة الذي جمعه بالفنانة هنا الزاهد التي تقوم بالبطولة النسائية أمامه.

مشهد البطاقة يثير سخرية الجمهور

"جماعه الفيلم ملزق و رومانسي هابط.. رومانسية أوفر وغريبة جدا.. ايه المحن ده المفروض كبر بقي على الهبل ده من زمان".

هنا الزاهد توجه رسالة لتامر حسني


من جانبه، وجهت الفنانة هنا الزاهد رسالة للجمهور وتامر حسني وصناع فيلمها الجديد، معربة عن سعادتها الكبيرة بدورها في فيلم بحبك الذي يعرض حاليًا بدور العرض السينمائية.

شاركت هنا الزاهد متابعيها وجمهورها بنشرها صورة من كواليس فيلم بحبك والتي تجمعها بالفنان تامر حسني عبر صفحتها الرسمية بموقع التواصل الاجتماعي لتبادل الصور والفيديوهات "انستجرام".

وعلقت هنا الزاهد على الصورة قائلة: "طيب لحظة عشان بجد أنا سعيدة بردود الفعل عن دور حبيبة في فيلم بحبك من يوم واحد بس في السينما، وكمية الناس اللي بعتتلي مش من مصر بس من الوطن العربي".

وأضافت: "بشكر عليها ربنا أولا الحمد لله يا رب، تاني حاجة بشكر عليها تامر لإن بإخراجك وصلت المشاعر اللي كنت نفسي أوصلها، وشكرا إنك كنت بجد بتسهر ومبتنامش عشان توصل بكل ممثل في الفيلم لأحسن ما فيه".

واختتمت الفنانة هنا الزاهد كلامها عبر صفحتها الرسمية قائلة: "تجربة استمتعت بيها جدا وبكل تفاصيلها، ومتحمسة للناس تشوف الفيلم في العيد".

تامر حسني يرد على هنا الزاهد


ومن جانبه رد الفنان تامر حسنى على كلامها من خلال خاصية التعليقات قائلة: "يا هنا مليون مبروك نجاحك أنا شوفته بعين جديدة العين اللي وعدتك بيها ودلوقتي ربنا بيجازينا كل خير مش بس عشان تقدم إيرادنا في مصر والوطن العربي”.

وأضاف: “لا عشان رضا الجمهور ودا أهم شيء.. إحساسنا كلنا وصل للناس عشان صدقنا بعض وانتي الحقيقة ممثلة خطيرة وارجعي للبوست اللي كتبته عنك قبل الفيلم كنت قايل إنك هتبقى أخطر ممثلات مصر في الجيل الحالي”.

واختتم قائلًا: “إن شاء الله تكملى كدة.. متشكرينيش على إخلاصي ليكوا ده واجب عليا كمخرج ومؤلف إنكم كلكم تكونوا في أحسن صورة، والجمهور قال كلمته افرحي بنجاحك وبقلبك الجميل".

تابع موقع تحيا مصر علي