عاجل
السبت 13 أغسطس 2022 الموافق 15 محرم 1444
رئيس التحرير
عمرو الديب

"مدفعش عشان يتقال عليا ناجح".. أبرز تصريحات عمرو مصطفى على نجوم FM

عمرو مصطفى
عمرو مصطفى

حل المطرب والملحن عمرو مصطفى اليوم ضيفًا في برنامج “أجمد 7 الساعة 7” الذي تقدمه الإعلامية جيهان عبد الله ويذاع على محطة راديو “نجوم إف إم” من الأحد إلى الخميس.

تحيا مصر يرصد أبرز تصريحات عمرو مصطفى

وأثناء الحلقة تحدث عمرو مصطفى عن أغانيه الجديدة وأعماله القادمة والكثير من الأمور الأخرى، وإليكم أبرز تصريحاته:

- محبش حد من زمايلي يقول رأيه في أعمالي، الجمهور هو اللي يحكم مش الزمايل

- داخل مع نفسي تحدي أني أعمل 55 أغنية في سنة

- فيه فنانين شالوا شغلهم من على اليوتيوب عشان خايفين من المقارنة، بس أنا ميهمنيش

- أنا أخد فلوس، ولكن مدفعش عشان الناس تقول عليا ناجح

- لحنت أغنية "تك" لحماقي، ولما اتوزعت ونزلت معجبتنيش

- أنا مش مغرور ولا بقول أني رقم واحد بس فيه ناس بتستفزني كتير وفبضطر أرد عليهم

- الفترة اللي جاية هعمل 16 أغنية رومانسية و11 أغنية سواد، وشوية ممكن الناس تشوفني بغني راب

- مفيش مطرب ملحنتلوش.. ولحنت لنص تركيا واسمي تريند هناك

- أنا بسافر أعمل شغلي برا عشان أجيب الخبرة لمصر

أخر أعمال عمرو مصطفى

ومن الجدير بالذكر أن أخر أعمال عمرو مصطفى أغنية “مين هيجاريه” التي تم طرحها منذ ساعات قليلة عبر قناته الرسمية على موقع “يوتيوب”، وحققت الأغنية منذ طرحها وحتى الآن أكثر من 6 آلاف مشاهدة.

والأغنية من كلمات مصطفى ناصر، وألحان عمرو مصطفى، وتوزيع لويس روبيسكو، وتقول كلماتها: “متفصلي أنا بالتمام وفي قلبي أنا، مين هيجاريه، مهما نعيد ونزيد كلام، برضه جماله ده أنا أولى بيه، دا الي اخدت قلبي أنا قولتله فين قلبي أنا، قالي معايا قولتله خليه، ده اللي كان متشال في قلبي، وقلبي لما لقاه قالي هو حبيبي، ده اللي احلو عمري معاه”.

“ده اللي كان متشال في قلبي، وقلبي لما لقاه قالي هو حبيبي، ده اللي احلو عمري معاه، بيقولو فيه ناس تاني هنا، مالي مش شايف أنا غير عينيه، حد قصاده في جمال كده، ويزحزح عينيه من عليه، مش عادي والدنيا دي ولا فيها، ولا جيه ولا في ماضي ولا حاضر اتنين منه”.

تابع موقع تحيا مصر علي