عاجل
الجمعة 12 أغسطس 2022 الموافق 14 محرم 1444
رئيس التحرير
عمرو الديب

تصل لـ 2000 جنيه.. تفاصيل وأسعار تذاكر حفل مروان موسى بالساحل الشمالي

مروان موسى
مروان موسى

يحيي اليوم مغني الراب مروان موسى حفلًا غنائيًا بالساحل الشمالي، وتتراوح أسعار التذاكر من 1000 جنيه إلى 2000 جنيه، ومن المتوقع أن تكون تحت شعار "كامل العدد".
تحيا مصر يرصد لكم تفاصيل حفل مروان موسى بالساحل الشمالي اليوم

أسعار تذاكر حفل مروان موسى

وأعلنت الشركة المنظمة للحفل عن أسعار التذاكر عبر الموقع الرسمي،  وجاءت في 3 فئات كالتالي:

الفئة الأولى بـ سعر 2000 جنيه، الفئة الثانية بمبلغ 1500 جنيه، الفئة الثالثة بسعر 1000 جنيه

أحدث تراكات مروان موسى 

وطرح مروان موسى منذ أسبوع، تراك جديد بعنوان “مسافات” الذي أصبح الآن تريند رقم 26 على يوتيوب، ومن المتوقع أن تصعد المشاهدات لأضعاف ذلك نظرًا لشعبية مروان موسى الواسعة بين فئة الشباب.

كلمات تراك مسافات 

وجاءت كلمات تراك مسافات، كالآتي:

مسافات مسافات.. من صغر سني انا مقضيها لف على البلاد، حسابات حسابات.. كل غلطة وليها تمن، شوف بكام ع الميزان.. خناقات خناقات
حط خط تحت كل الكلمات اللي بتتقال.. يا سلام يا سلام.. وزني زاد، جاهز أنزل بالمسمار عالحزام

انا في سيدان وسايق فيها بس شايف الدنيا سبعة
لو ماكنتش اتطورت كنت متّ من الفجعة
مسافة تخض لو ع الوقعة
بس نوعاً ما اتاقلمت، الميّة هنا دايمًا ساقعة

عايشها راجل في قلب الجلب جرئ
الحرب ابتدت أكيد
القلب اتقلب حديد
موقف اتقلب والزحمة على الطريق
إزاي أبقى في مركز تاني والدهب ده في الوريد

الـGPS مودّي فوق
مش محتاج الكود مش محتاج البصمة

معيش نضارة شمس ولا معايا قطرة
في وقت اتهزت مني فكرة إني طفرة
كتاب حياتي مِدَّرَك زي حسن الأسمر
والله انا موهوب بس الناس بتستكتر

نفسي في الريسبيكت م المجال مش أكتر
أو شنطة كبيرة أعبي فيها الورق الأخضر
إستنيني وصدقيني مش هتأخر

دي مشاويري وهمشي فيها لوحدي افضل

مسافات مسافات
من صغر سني انا مقضيها لف على البلاد
حسابات حسابات
كل غلطة وليها تمن شوف بكام عالميزان

خناقات خناقات
حط خط تحت كل الكلمات اللي بتتقال

يا سلام يا سلام
وزني زاد، جاهز أنزل بالمسمار عالحزام

وإنت لو كان ليك رأي كنت تقول
بدل ما تعمل فيها old school
انا ناسي مابتفهمش غير في أصول

انا ناسي فا بالتالي مش مسئول
ماشي وسط الضلمة للمجهول
حاسس ليه حياتي ماشية في loop
فاكرها هاتكون ملاهي طلعت سوق
ناس قاعدين بيبيعوا وبيشتروك

الـGPS مودّي فوق
كل ده مكتوب، كل ده مكتوب

نورت لنفسي السكة وقمت ناطط في البعيدة
طابخ الجريمة، قائد الكتيبة
إسمع مني وفكك م المواعظ الحكيمة
وإبقو راعوا أسامينا، التفاعل أصلاً لينا

لازم أنجز النهاردة قبل بكرة
حابس نفسي في أمر واقع ومستغني عن الأوكرة
ماسك فلوس في إيدي أكنّي لامم أجرة
بس السكة لسة بعيدة حتى لما تلاقي البوصلة

مسافات مسافات
من صغر سني انا مقضيها لف على بلاد
حسابات حسابات
كل الغلطة وليها تمن شوفها بكام عالميزان

خناقات خناقات
حاط خط تحت كل الكلمات اللي بتتقال
يا سلام يا سلام
وزني زاد، جاهز أنزل بالمسمار عالحزام

تابع موقع تحيا مصر علي