عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

مكنتش عايز أعمل عزاء والدي ومزعلتش عليه.. تصريحات الإعلامي محمود سعد

محمود سعد
محمود سعد

كشف الإعلامي محمود سعد عن علاقته بوالده الراحل، التي كانت متوترة منذ الصغر، وأنه لم يرغب في عمل عزاء له ولم يتأثر على وفاته وذلك خلال بث مباشر عبر فيسبوك

تحيا مصر يرصد لكم تصريحات الإعلامي محمود سعد عبر فيسبوك

محمود سعد في بث مباشر

- كنت بقول إني مش هزعل على وفاة والدي عشان بيننا هجر وغدر

- والدي اللي بدأ طريق الفراق والجرح في القلب

- والدتي فضلت 27 سنة تربي في 4 عيال

- لما والدتي طلبت مني أنزل نعي في الجورنال قولت لها الناس متعرفش أني ليا أب

- لما والدي توفى متأثرتش ولا كنت حاسس بحاجة ولا فاكر مات امتى

 - أبويا كان خالع نفسه من حياتنا رغم إنه كان غني

-  لكل أب مبيسألش على عياله مراتك أنت وهي أحرار

 - العيال هتكبر ومش هتنسى وواجبك تسأل عليهم

الإعلامي محمود سعد ونجل سمير صبري

وجدير بالذكر، أن قال محمود سعد خلال فيديو له، عبر حسابه الشخصي بموقع التواصل الاجتماعي فيسبوك: سمير صبري قال في كتابه إنه تزوج وأنجب، وطالما هو قال كده يبقى عنده ولد.. سمير اتجوز وهو عنده 20 سنة، يبقى ضروري نجله فوق الـ 60 سنة حاليًا.

وأردف: كأن في البعض عايز يلمح على الشائعة؛ التي طالت سمير صبري طوال حياته، وكأنه عايز يثبت أنه معندوش ولد، وطارق الشناوي شاف سمير كثير جدًا، وممكن يكون راح بيته، وممكن يكون بيخمن إنه معندوش ولد، والماكيير محمد عشوب قال عنده ولد.

وتابع: في حاجات أنا أعرفها ميصحش أقولها.. أرجو أن اللي عارف حاجة يقولها، اللي ميعرفش يقول معرفش.. أعرف سمير كويس لكن معرفش عنه حاجة شخصية.

وأضاف: فكرة أنه كتب الميراث لبنات أخته.. ممكن يبقى عنده نجل وظروفه كويسة، وبنت أخته ظروفها سيئة ومحتاجة، منعرفش حاجة عن سمير.. مفيش داعي نقول تلميحات.. الراجل في ذمة الله، وله أعمال حلوة جدًا، وسبق خاص في الإذاعة وحتى الآن مفيش حد زيه.. ولو له نجل هيظهر.

واستطرد قائلًا: حكاية زواج سمير صبري من فنانة حاجة شائكة جدًا.. وميصحش كده عيب، إذا كان في فنانة معروفة عندها ولد من سمير بقاله 17 سنة ومخبيّة يبقى عيب نسأل.

واختتم محمود سعد حديثه قائلًا: الناس بقت تقول مين الفنانة اللي عندها ابن عنده 17 سنة وملوش أب.. دي مش أخلاقنا، أرجو لما تشوفوا حاجة ليها علاقة بـ سمير صبري عدوها، أنا شخصيًا معرفش الفنانة دي موجودة في الحياة ولا لأ، إذا كانت الفنانة حابة تعلن هذا الخبر تقوله، لو مش عايزة نحترم رغبتها ورغبة الراحل، ورغبة ابنها.

تابع موقع تحيا مصر علي