حسن شاكوش يرد على اتهامه بتقليد محمد رمضان “أنا كاريزمتي في حتة لوحدها”

رد مطرب المهرجانات حسن شاكوش على اتهامه بتقليد الفنان محمد رمضان، مؤكدًا أن لونه يختلف تمامًا عنه ولكنه يكن له كل مشاعر الحب والأخوة 

تحيا مصر يرصد لكم رد حسن شاكوش على اتهامه بتقليد محمد رمضان 

حسن شاكوش عن محمد رمضان

وقال حسن شاكوش خلال لقائه مع عرب وود، قائلًا: محمد رمضان نجم كبير وأنا بحبه على المستوى الشخصي، ولكن لوني مختلف جدًا عن لونه، ناس كتير بتقول أنت بتقلده وأنا مش بقلده.

وتابع: أنا لا شكله ولا هو شكلي إحنا الاتنين شكل مختلف عن بعض، هو كاريزمته في حته لوحدها وأنا كاريزمتي  في حته لوحدها، ممكن يكون الناس شايفه الدم واحد، وأنا ومحمد أخوات طبعًا.

 آخر أعمال حسن شاكوش الفنية 

وكانت آخر أعمال حسن شاكوش الفنية هي أغنية “حبيبتي افتحي شباكك أنا جيت” التي طرحها قبل عام وحققت حتى الآن حوال 200 مليون مشاهدة على موقع الفيديوهات يوتيوب.

كلمات أغنية حبيبتي لـ حسن شاكوش

وجاءت كلمات أغنية “حبيبتي” كالتالي: حبيبتي، أفتحي شباكك أنا جيت
أنا واقف تحت البيت
مش هعمل زيطه وسيط، وحشتيني
بتلفي وتدوري عليا ليه؟
مش عايزه تحني ليه؟
طب بصي يا بنت الإيه، مش هحلك
بلاغيكي، قولتلك بهوايا
لو مش جايه معايا هعمل ألف جنايه
هقلب زومبي
أنا جايلك، وبقولك وحشاني، أنتي النص التاني
وبقيتي بالنسبالي أم عيالي
اسم الله، محروسه من العين ما شاء الله
يا غزال بيطل الطله
كعبك مرسوم بالحنه، يا أميره
شغلاني، ومن العالم وخداني
حضنك لاقيته مكاني
لو غيبتي عني بعاني، يا روح قلبي
بالعافيه، أنا جوه في منطقتك
واقف تحت بيتك وبسمع حتتك، أنتي تخصيني

من الآخر، اللي يقربلها أو يجي يوم عندها
هخطفه في وقتها، أنا دمي حامي
روحي، أفديكي بروحي
بس أوعي تروحي
أنا كل طموحي دبلة خطوبه
قلبي، أنتي نبض قلبي
وحياتي أنتي
يا بطل منطقتي، يا جميله
كتكوته، يا كريمه على بسكوته
جرينوڤ ومش مقروطه
قمر، چيلي وقطوطه، يا عسليه
مملكتي، والباقي كله جواري
أنتي اللي جوه خيالي
أخدتي كل حناني، يا نن العين
ما يصحش، في الرايحه وفي الجايه
عينك تيجي عليا
مش هاجي بالملاغيه والمرزايه
بتعاكس، طب بردك مش هاجي
معجب كلم دادي
لو وافق يا حياتي هديك عينيا
أنا جايلك، وبقولك وحشاني
أنتي النص التاني وبقيتي بالنسبالي
أم عيالي