تامر عاشور يُحيي حفلًا غنائيًا بالإسكندرية في هذا الموعد

يستعد الفنان تامر عاشور لإحياء حفل غنائي بالإسكندرية، يوم 9 سبتمبر القادم بفندق جولدن جويل، ومن المتوقع أن يكون الحفل تحت شعار كامل العدد 

تحيا مصر يرصد لكم تفاصيل حفل تامر عاشور بالإسكندرية 

حفل تامر عاشور بالإسكندرية

ومن المقرر أن يقدم تامر عاشور مجموعة من أغانيه القديمة والحديثة، مثل خليني في حضنك، تيجي نتراهن، بيت كبير، كان موضوع، بقول عادي، قولوله سماح، الفترة دي، كنت فين وغيرها من الأغاني.

وقد كشف تامر عاشور خلال الأيام القليلة الماضية عن تفاصيل أعماله التي يستعد لطرحها خلال الفترة المقبلة، والمتوقع أن تحقق نجاحًا ساحقًا.

أغنية هي الناس لـ تامر عاشور

وقد طرح النجم تامر عاشور أحدث أعماله الغنائية "هى الناس" على قناته الرسمية بيوتيوب، وهي كلمات أحمد المالكى، وألحان محمد خلف، وتوزيع أنور عمر وميكس & ماستر صقر، على موقع يوتيوب.

كلمات أغنية هي الناس لـ تامر عاشور

وجاءت كلمات الأغنية كالتالي:

الحلوة دي تحلم وتقولي طلبها إيه
راضي بكل اللي تقول عليه والدنيا تجيلها في ثانيتين
الحلوة دي أول ماتقرب من بعيد
بفرح وبتقلب يومي عيد والفرحة معايا بفرحتين
بالدلع وبالشقاوة ، الجمال بيزيد حلاوة
هي دي اللي بضحكة منها قلبي تاه قدام عيونها وفي ثواني راحلها
ناسي كل حاجة مرت (بيا)، حاسس إن روحي ردت (فيا)
لما تبقى جنبي مني كل يوم هفرح وأغني دي السعادة كلها
عليها جمال ومكملاه، بأجمل روح جت في الحياة
وإسمي تقوله مغنياه، لو يوم تناديني
معاها الوقت يفوت قوام، ولا بيشغلني الساعة كام
وبتعب لما تقول سلام، وتغيب عن عيني
دي هيَّ الناس، ولا هرضى بغيرهايا ناس
وفي عمري وجودها أساس
وهكمل حياتي معها لآخر يوم
وهيا معايا انا حالف لا أعيش، أراضيها
بوعدها هتبقى في عيني، و أسعدها
دي هيا في كوم والدنيا في كوم

الضحكة دي بتقرب مني المستحيل، وتفرّح قلبي نهار وليل
والدنيا بجد معاها غير
والحالة دي، انا عايش فيها و مش هفوق
حاسس بالراحة وبالهدوء والله قدومها عليّا خير
بالدلع وبالشقاوة، الجمال بيزيد حلاوة
هي دي اللي بضحكة منها قلبي تاه قدام عيونها وفي ثواني راحلها
ناسي كل حاجة مرت (بيا)، حاسس إن روحي ردت (فيا)
لما تبقى جنبي مني كل يوم هفرح وأغني دي السعادة كلها
عليها جمال ومكملاه ، بأجمل روح جت في الحياة
وإسمي تقوله مغنياه ، لو يوم تناديني
معاها الوقت يفوت قوام ، ولا بيشغلني الساعة كام
وبتعب لما تقول سلام ، وتغيب عن عيني
دي هيَّ الناس ، ولا هرضى بغيرهايا ناس
وفي عمري وجودها أساس
وهكمل حياتي معها لآخر يوم
وهيا معايا انا حالف لأعيش، أراضيها
بوعدها هتبقى في عيني، و أسعدها
دي هيا في كوم والدنيا في كوم