عايز ياخد حقوقي ودخّل الشيطان بيننا.. أيمن بهجت قمر يكشف حقيقة خلافه مع حسين الجسمي

صرح الشاعر الغنائي أيمن بهجت قمر عن حقيقة الخلاف الذي دار بينه وبين المطرب حسين الجسمي، خلال حواره مع الإعلامية إيمان أبوطالب، ببرنامج بالخط العريض على قناة الحياة

تحيا مصر يرصد لكم تصريحات أيمن بهجت قمر عن الخلاف بينه وبين حسين الجسمي 

أيمن بهجت قمر وحسين الجسمي

 - عدينا مرحلة إننا نتخانق على التنازلات لأن مفيش بينا كده إحنا إخوات ومفيش بينا شيطان

- تفاجأت إن هو باعت صيغة تنازل ملهاش أي مبرر كأني بديله حقوقي وحقوق ولادي وأحفادي

- وكأن أنا ليس لي أي حق أدبي ولا مادي في الأغنية وبلا مبرر

- عاملين نجاحات كتيرة سوا من أول بحبك وحشتيني وبالبنط العريض 

- إحنا الحمد لله طول الوقت ناجحين مع بعض والسنة دي نزلنا أغنية تتر مسلسل وسط البلد

- أنا قولت له المنطقة بتاعت التنازلات دي بيدخل فيها الشيطان وأنا عمري ما غدرت بيك ولا طمعت فيك

- مفيش خلاف مع حسين على حاجة ولكنه عايز ياخد كل الحقوق اللي بينص عليها قانون الملكية الفكرية

-  أنا مرفعتش عليه قضية ومش هرفع على حد من صحابي قضية هي مخاطبات وفي محاسبات نشوف أنا ليا إيه

- أنا عامل تاريخ كبير مع الجسمي أكتر من 20 أغنية وفي 15 منها مكسرة العالم

- لو حسين عايز يشتغل أنا موجود ولو مش عايز خلاص هو حر

- حسين دخل الشيطان في العقود 

- خد حقك في الغنوة اللي أنت عاملها يا حسين واتبسط بس ابعد عن حقوق ولادي

أخر أعمال حسين الجسمي 

وكانت أخر أعمال المطرب حسين الجسمي هي أغنية “دلع واتدلع” التي طرحها قبل 3 أشهر عبر قناته الرسمية بموقع الفيديوهات يوتيوب.

وحققت الأغنية حتى الآن 41 مليون مشاهدة، وتداول رواد التواصل الإجتماعي مقاطع منها على فيسبوك وتويتر وانستجرام.

وجاءت كلمات الأغنية كالتالي:

هات .. هات إيدى ف إيدك هات
شايله الدنيا مُفاجأت
بتبان لنا م البدايات

ليك … قلبى إتسلم تسليم
من غير ولا سين ولا جيم
وضربلك 100 تعظيم

دلع وإتدلع عيش
قول للأيام بشويش
فى اتنين بيحبّوا جديد
على مهلِك وماتجريش
أصل القلب ومايريد
فى حاجات فيها مانفتيش
أيوه القلب ومايريد
واجمل م الفرح مفيش

روق … مابقاش فى ما بينا فروق
ولا ف غلاوتك مخلوق
يا معلّي ف قلبى الشوق
يوم .. يوم ندي الدنيا طناش