طلعتوا إشاعة ومكلتش.. محمد رمضان يطرح أغنية مركبش البسكلتة على يوتيوب| فيديو

طرح الفنان محمد رمضان أغنية مركبش البسكلتة على قناته الرسمية بموقع الفيديوهات يوتيوب، وحققت 20 ألف مشاهدة في أقل من ربع ساعة 

تحيا مصر  يرصد لكم طرح محمد رمضان أغنية مركبش البسكلتة 

أغنية مركبش البسكلتة لـ محمد رمضان 

ونشر محمد رمضان جزء من الأغنية، عبر حسابه الرسمي بموقع انستجرام، وعلق: "مستني رأيكم في أغنية (مايركبش بسكلته) .. دلوقتي، ثقة في الله نجاح النجاح".

وانهالت التعليقات على الأغنية بمجرد طرحها، حيث قال تعليق: محمد رمضان نمبر وان دايمًا وبالعند فيكم، وتعليق آخر قال: جامد كده كده يا رمضان.

كلمات أغنية مركبش البسكلتة 

وجاءت كلمات غنية مركبش البسكلتة، كالتالي:

خد متخافش
انا لما بحضر اخض
تضربني بصوت بحي نرد
ازاي قطط في اسود بتعض 
هلعبها لوب .. لو راجل صد
انا في التواضع مقولكشي
جاي اخطف انظاركوا وامشي
عن نفسي ليه متكلمشي
انا عارف ان انتوا .. متغاظين .. اوي
أوي .. متغاظين .. أوي  .. أوي
أنا عارف إن إنتوا .. متغاظين أوي ..
طب تعرف تعمل كدة .. كدة .. كدة 
عالناهيه بنلعب منهيبش
طلعتوا اشاعه ومكلتش
اضرب غيرها الطلقة مجتش
كفاياك دولارات متبعزقهاش .. اوي
متبعزقهاش ... اوي ... متبعزقهاش .. أوي
انا لما اتكلم اعلم 

اجيب م الاخر اصلي معلم
اقول الكلمه الكلمه تعلم
لو غابت مني هتتعتم 
زي ما اجيبها بسيبها
انا زي ما ارتبها بكركبها
انا في اي حته بخش اقلبها .. كده
طب تعرف تعمل كدة .. كدة
جامد جدا في اي حته 
ميجا ستار مش برمي الجته
نمبر وان يركب ملاكي
بس ميركبش بسكلته
انا لما اخطي بغطي احسبها
بالمتر لا بالسنتي انا جنبي خمسين شنب لادارتي
انا شورتي لايق اوي مع نضارتي
بص لايق ازاي .. بص متضايق ازاي
بص لايق ازاي .. بص متضايق ازاي
طب تعرف تعمل كدة

أغنية دوشة لـ محمد رمضان

وتطرح أغنية دوشة للفنان محمد رمضان عبر موقع الفيديوهات الشهير «يوتيوب» في يوم الاربعاء الموافق 24 من شهر أغسطس الجاري، وذلك وفقا لما أعلنه الفنان من قبل عبر حسابه الرسمي بموقع التواصل الاجتماعي فيسبوك، إذ كتب: «بإذن الله ( دوشة ) يوم ٢٤ أغسطس.. دي مش دلقت قهوة .. دي دماغه اللي طارت .. خربش ع الكلام».