"من جد وجد".. بحبك لـ تامر حسني يحقق أعلى إيرادات لفيلم عربي في السينما

احتفل الفنان تامر حسني، بتحقيق فيلمه الجديد “بحبك” انجازين مختلفين، وهم حصوده الفيلم العربي الأكثر إيرادا في تاريخ السينما، فضلا عن الفيلم العربي الأكثر حضور جماهيري في العلم.

تحيا مصر يرصد في ذلك التقرير تفاصيل إحتفال تامر حسني بإنجازات فيلم بحبك

تامر حسني بعد نجاحات فيلم بحبك: “من جد وجد”

كتب الفنان تامر حسني عبر حسابه الرسمي بموقع تبادل الصور والفيديوهات انستجرام: “الحمدلله من جد وجد و ربنا بيكرم على قد التعب الحمدلله عشان نجحت و حققت الإنجازين دول و اثبت اني كنت شايف صح و صاحب رؤيه و شخصيه فنيه مستقله مبتمشيش غير ورا قناعتها اللي بتتبني بعد دراسه كبيره للأشياء حبيت اقول للشباب مفيش مستحيل”.

تامر حسني يوجه رسالة للشباب

وتابع تامر حسني حديثه، موجها نصيحة للشباب كعادته، فقال: “بقول الكلام دا عشان يكون قدامكوا عبره واضحه تخليكوا متيأسوش و دايماً عندكوا امل و ولا يهزكوا اي حروب و احقاد و ناس مأجوره كل دا “ بلح” جانب الإجتهاد الحقيقي و الانسان لما يبقى عنده تحدي قوي مؤمن بيه ، اللي بيطلع من القلب بيوصل للقلب ولا يصح الا الصحيح و اوعى تفتكر ان في مخلوق على الأرض يقدر يوقف رزقك ، هيجيلك يعني هيجيلك ما دام اجتهدت و عملت اللي عليك ، شكراً سينرچي و سكاي ليميت و فيلم سكوير و  برودكشن و اورينت الدوليه انكم صدقتوني لما قولتلكم ان شاء الله هنعمل انجاز تاريخي بفيلم رومانسي في عصر العنف و القتل و هنرجع نحب ونرجع المشاعر تاني”.

تامر حسني: مبروك لجميع أبطال الفيلم

واستكمل تامر حسني: “أهو الإنجاز بقى انجازين رقم عمري ما طلبته من ربنا لإنه عمره ما يجي في خيالي كنت اطمح في ربعه و عدد زوار الفيلم ربنا كرمنا و فخور كل الفخر بأن اعلى رقمين في تاريخ السينما على مر العصور تم تحقيقهم بفيلم من تأليفي و موسيقتي التصويريه و إخراجي الحمدلله و مليون مبروك لجميع ابطال و صناع الفيلم و كل الشكر الجمهور المصري و العربي و العالمي اللي شرفنا و تسبب في هذا الحدث العظيم في حياتي”.

جدير بالذكر، أن فيلم بحبك من بطولة  تامر حسني، هنا الزاهد، حمدي الميرغني، هدى المفتي، مدحت تيخا، عالية راشد، شهد الشاطر، وتأليف وإخراج تامر حسني.