مخاصماك.. ديو غنائي يجمع مسلم بالمطربة نوال المغربية

تتعاون المطربة المغربية نوال عبد الشافي في دويتو غنائى مع مطرب المهرجانات مسلم بعنوان «مخاصماك» من إخراج مصطفى السويفى

تحيا مصر يرصد تعاون نوال المغربية مع مطرب المهرجانات مسلم

أغنية مخاصماك

أغنية "مخاصماك" من كلمات مصطفى حدوتة وألحان وليد العطار وتوزيع موسيقى كلوبيكس.

كلمات أغنية مخاصماك نوال

انت لو كنت بتهتم
انت لو كان عندك دم
انت لو بتحس ياعم
هتعرف ايه اللى مزعلنى
م انت لو كنت بتهتم
وماليه عنيك كنت هتتلم
ده انت لو كنت بتفهم
متزعلنييش وتدلعنى

مخصماك
وابعد عنى انا مش طيقاك
سيبنى مش عايزه ابقا معاك
متورينيش وشك تانى

مخصماك
مجنون بجد انا مش فهماك
مش عايزه عينى تكون شيفاك
ولا اسمع صوتك ف ودانى

عينك رايحه ورا اى بنت
وانا مش شاكه ده انا اتاكدت
وبتشتكى لو جيت نكدت
والناس تقول غلبان ياحرام
شكلك عاوز علاقتنا تبوظ
وبتشتكى من لوى البوز
مش هتصالح غير وقت م اعوز
متجيش تجر معايه كلام

مخصماك
وابعد عنى انا مش طيقاك
سيبنى مش عايزه ابقا معاك
متورينيش وشك تانى

مخصماك
مجنون بجد انا مش فهماك
مش عايزه عينى تكون شيفاك
ولا اسمع صوتك ف ودانى

انت حد معندوش قلب
اركن العشره دى ع جنب
ده انت نص كلامك كدب
نفسي بقا تبطل حوارات
ده انت ملك اللاه مبلاه
انت حد تعبنى معاه
واحد ماشى يرمى وراه
ماشئ بمبداء عدى وفات

مخصماك
وابعد عنى انا مش طيقاك
سيبنى مش عايزه ابقا معاك
متورينيش وشك تانى

مخصماك
مجنون بجد انا مش فهماك
مش عايزه عينى تكون شيفاك
ولا اسمع صوتك ف ودانى

أزمة مسلم مع حودة بندق

كشف مطرب المهرجانات مسلم، عن أن أحدث أزماته مع مطرب المهرجانات حودة بندق، حيث كانت بسبب اغنية «يا أصفر»، قائلا: «حودة بندق معملنيش واحنا كلنا أسباب لبعض وهو شخص ناجح وهو كان أول الشهرة، وآخر خناقة بينا بسبب الأغنية بتاعة يا أصفر وهي كانت بتاعتي وحودة بندق كان عايز يخش في الاغنية».

وأضاف المطرب مسلم، خلال حوار ببرنامج «ضرب نار»، مع الاعلامية داليا فؤاد، على قناة القاهرة والناس، أنه شعر بالحزن بعد غناء حودة بندق لأغنية «يا اصفر»، متابعا: «المفروض الكلام عليه في الاغنية كان على بندق وهو خدها وغناها، ولقيت الاغنية بتنزل على اليوتيوب والسوشيال ميديا وزعلت لأني تعبت في الاغنية».

ورد المطرب مسلم، على حقيقة شعوره بالغيرة من حسن شاكوش وحمو بيكا، قائلا: «أنا مش منفسن من حسن شاكوش وهو أخويا ومن كلامي في التليفون معاها راجل محترم، وحمو بيكا قلبه طيب، والناس دي في حته وأنا في حته بيغنوا لون مختلف عن اللون بتاعي»، متمنيا أن يغني دويتو من النجوم حمزة نمرة وسعد لمجرد.