عاجل
الجمعة 29 مارس 2024 الموافق 19 رمضان 1445
رئيس التحرير
عمرو الديب

خلع ملابسي وقطع جسمي بالكتر.. مأساة زوجة من أمام محكمة الأسرة بزنانيري

تحيا مصر

" حياتي معاه كابوس ومش عارفة أفوق منه , مسابش وسيلة يأذيني بيها إلا وأتفنن فيها " بتلك الكلمات روت زوجة لتحيا مصر معاناتها مع زوجها الذي ألحق بها أضرار مادية ومعنوية في حياتهم الزوجية , وحين قررت الهرب منه ورفع عليه دعوي طلاق للضرر , قام بتقطيع مناطق حساسة في جسدها بسلاح أبيض .

ظهر علي حقيقته بعد الجواز 
 

بدأت الزوجة حديثها لتحيا مصر :" كنا مختارين بعض عن حب وظهر علي حقيقته بعد الجواز , بعد ما جيبتله الولد ضمني وضمن وجودي في حياته , وأنا كمان عشان كنت بحبه أفتكر أنه مهما يعمل فيا مش هقدر أتخلي عنه , لكن خوفي علي أبني اللي لسة ملحقتش أتهني بيه هو اللي قواني , وخلاني أقرر مسكتش عن أذاه ليا ومفضلش عايشة تحت رحمته زي ماهو عايز ".

هربت وسيبتله البيت أنا وأبني 
 

وتابعت الزوجة :" جوزي عصبيته مفيش ست تقدر تتحملها ودايما بتطلع علي أتفه الأسباب وبتنتهي بالضرب في جسمي كله , لو بس مسمعتش كلامه في حاجة أو مكنتش علي مزاجه , ده غير خيانته ليا وطمعه في أي حاجة بملكها , تعبت منه وقررت أسيبله البيت وأمشي , في كل مرة كنت برجع بعدها عشان أبني وعشان كلام أهلي وعشان هو كمان كان بيوعدني أنه هيتغير , لكن مجرد ما برجعله تاني بيرجع الحال كما هو عليه ".

قطع مناطق حساسة في جسمي بالكتر
 

وأستكملت الزوجة :" بدأت أفقد الأمل أنه يتغير وخوفي علي أبني وعلي نفسي معاه كان بدأ يزيد , روحت المحكمة ورفعت دعوي طلاق للضرر , ولما عرف أني عايزة أسيبه عمل فيا اللي مش هقدر أنساه طول عمري , قلعني كل هدومي وقطع مناطق حساسة في جسمي بالكتر , وقالي مش هطلقك وهتفضلي علي ذمتي عمرك كله عشان مش هسيبك تعيشي بعيد عني ولا هسيبك لراجل غيري , ودلوقتي أنا عايشة متعلقة ومش بطلب من ربنا غير أنه يرحمني منه ويجيبلي حقي أنا وأبني من كل أذي شوفناه وعيشناه معاه ".

تابع موقع تحيا مصر علي