رضوى الشربيني بتقوم الستات على الرجالة وتريند الست مش ملزمة بيخرب البيوت.. تصريحات قوية لـ عفاف شعيب
فجرت الفنانة القديرة عفاف شعيب عدد من التصريحات النارية خلال حلولها ضيفة على برنامج «البخت» الذي تقدمه خلود عزمي عبر قناة الشمس.
ويرصدها تحيا مصر خلال السطور التالية:
أبرز تصريحات عفاف شعيب في برنامج البخت
الناس اللي بتقول الزوجة مش ملزمة بحقوق تجاه زوجها الله يسامحكم كده بتخربوا البيوت
إيه الكلام الفاضي ده ويا جماعة عيب اللي بيتكلموا دول دارسين إيه؟ فهموا دينهم كويس؟
المرأة ليها حقوق والراجل له حقوق سبحوا وهتقوموا تلاقي الملائكة شيلاكوا وبتساعدكوا
قعدت مع أمي 3 سنين في أمريكا أنا اللي بخدمها هناك مفيش خدامة مقيمة بيجوا كام ساعة بس والساعة بتاعت الخدم غالية والعلاج كان غالي ساعتها
كنت أنا اللي بنضف وبكوي وأغسل وكنت ماشية بتسابيح ربنا مكنتش بحس بحاجة أبدا
نسب الطلاق عالية عشان مفيش حد يوجههم والبرامج الدينية انقرضت تماما الأول كنا بنسمع الشيخ الشعراوي وجاد الحق ومحمد الغزالي
عندنا أزمة اخلاق ودين للأسف ارجعوا لرشدكم وكتاب الله وسنة الرسول الحبيب.
العصمة لازم تكون في أيد الراجل هي الدنيا انقلبت أنا ماشيه بتعاليم ربنا وسنة الحبيب محمد
فين الرجولة طلاما العصمة هتكون في ايد الست؟ هتبقى كارثة يعني نقوله قوم امشي اطلع برا.. أنت طالق؟
اعرف ستات كتير متجوزة وللأسف بتخون أزواجها ومن رأيي تروح تقول لجوزها خلاص كده كفاية
لكن تروح تخونه وتقول متمسكة بيه، إيه البجاحة دي؟ وقلة أدب
مش هلبس باروكة في أي عمل وده اسمه تحايل على الدين وماليش دعوة بغيري هما أحرار وهما هياخدوا الوزر مش أنا
فيه ناس نصحوا واحدة اعرفها وشيوخ قالوا لها عادي الذنب مش عليها الذنب على اللي إداها الفتوة
مش هوافق طبعا اجسد شخصية شادية مفيش شبه بيني وبينها تماما وكانت بتحبني جدا وفيه تواصل بيني وبينها وصعب اني اعمل ده
مبحبش كلام رضوى الشربيني بتقوم الست على الراجل وتقوم الراجل على الست
مش كل واحدة مرت بأزمة في حياتها هتنفذ كل دا على بقيت الناس أنتي شفتي مشكلة يمكن ربنا خصك بيها علشان تصبري
يمكن ربنا عمل كده علشان تقربي منه مش أنك تفرقي بين الزوج والزوجة
وأنصحها وأقولها أقري كتاب ربنا أقري القرآن الكريم وتعمقي فيه وأقري أحاديث الرسول وأدرسي فقه المرأة
جوجل نيوز
تطبيق نبض
