ياسمين عز للساخرين من صورة ميرفت أمين الأخيرة: “بتنشرو سوادكم وعقدكم النفسية”

حرصت الإعلامية ياسمين عز على توجيه رسالة صارمة للساخرين من صورة الفنانة ميرفت أمين الأخيرة، والتي بدت فيها بعلامات كبر السن خلال عزاء المخرج الراحل علي عبد الخالق.

تحيا مصر يرصد في ذلك التقرير تعليق ياسمين عز على منتقدي صورة ميرفت أمين

ياسمين عز تنفعل على منتقدي صورة ميرفت أمين الأخيرة

وقالت ياسمين عز خلال برنامجها “كلام الناس” المذاع على قناة mbc مصر: "“جه اليوم اللي حد يعايب فيه على أيقونة الجمال والحلاوة ميرفت أمين.. انا بدعي لربنا أما نوصل لسنها نكون في ربع جمالها مين فينا مش بيكبر غير الهضبة.. عيب نتكلم في الحاجات دي، زي ما السوشيال ميديا ليها مميزات، فيها كمان ناس بتستغلها عشان ينشروا سوادهم وسمومهم وعقدهم النفسية”.

وتابعت: “نفس الكلام ده حصل مع الفنانة فيفي عبده الأسبوع اللي فات، وقبلها الفنانة شيرين عبد الوهاب أما ظهرت بوزن زيادة، زي ما حصل إمبارح والنهاردة فيه بكرة وبعده”.

ميرفت أمين تتعرض للتنمر

وكانت قد تعرضت الفنانة ميرفت أمين للتنمر والسخرية عبر مواقع التواصل الإجتماعي المختلفة، بعد تداول صورتها بدون مكياج على مواقع التواصل الإجتماعي المختلفة والتي التقطها أحد المصوريين في عزاء المخرج الشهير علي عبد الخالق، الأمر أزعج الفنانة وخرجت لترد، قائلة: "من 10 أيام قالوا أثر وعكة صحية توفت إلى رحمة الله ميرفت أمين، وبعديها انتشرت أخبار بزواجي، والموت والجواز مش بيستخبوا دول حاجتين متقدرش تخفيهم، وأنا مش عارفة هما صايدني ليه طول الوقت، وبعدين يتكلموا على عزا ويقولوا شكلها مهموم وشكلها كبرت، هل أنا مطلوب مني في العزا أن أنا أروح بمكياج كامل ولا مطلوب مني أروح ازاي".

وأضافت: “أول شائعة بتاعت الوفاة هما مش بيقدروا ان فيه ناس أنا متواصلة معاهم على طول أو لأي أسباب أنا مش بكلمهم أو بنتي في مكان مش قادرة توصلي.. لما بيوصلهم حاجة زي كدا الناس بتتخض، أنا اتعودت على كدا ومبقتش بتفرق معايا أوي بس اللي حواليا بيتضايقوا”.

أخر أعمال ميرفت أمين

من ناحية أخرى، كان أخر ظهور للفنانة ميرفت أمين من خلال فيلم "أعز الولد" التي شاركة به بجانب الفنانة الراحلة دلال عبد العزيز وشيرين وإنعام سالوسة، مع الفنانة رجاء الجداوي في ظهورها السينمائي الأخير قبل وفاتها، تأليف شريف نجيب وجورج عزمي، وإخراج سارة نوح في تجربتها الإخراجية الأولى من إنتاج Lagoonie Film Production وThe Producers والطاهر ميديا برودكشن.