مصطفى هريدي: "وداني بسبب رفضي في كلية الشرطة"

صرح الفنان مصطفى هريدي عن سبب رفضه في كلية الشرطة، وذلك في لقائه ببرنامج الستات ميعرفوش يكدبوا.

تحيا مصر يرصد لكم تصريحات مصطفى هريدي في الستات ميعرفوش يكدبوا

رفض مصطفى هريدي من كلية الشرطة 

وقال مصطفى هريدي في برنامج الستات ميعرفوش يكدبوا: كان نفسي اشتغل ظابط ودخلت وقدمت في كلية الشرطة وسقطت بسبب وداني اللي كانت وش السعد عليا بعد كده، وكانت أول سنة يحطوا حاجة اسمها اذن وطواطية على إنها علامية مميزة في الظابط، فسقطت بسبب إن عندي علامة مميزة.

مصطفى هريدي وعلاقته بعامر منيب

وتحدث هريدي عن علاقته وبعض المواقف له مع الراحل عامر منيب، قائلًا: في بداية شغلي مكنش ليا أجر كبير، وعامر منيب سألني وقولتله، وقالي هتكلم مع المنتج واداني ضعف اللي كنت باخده.

وتابع: إنسانيًا هو عنده حب غير طبيعي للناس، عامر حاطط رزمة فلوس في باب العربية دايمًا عينة على الناس الغلابة في الشارع، كان إنسان رائع، ويستاهل ألف رحمة ونور.

وقال الفنان مصطفى هريدي أن الشاعر أيمن بهجت قمر هو السبب في عودته للفن مرة أخرى، وحكي قصة استقراره خارج مصر، قائلًا: بعد أحداث 2011 سافرت في الفترة اللي بين 2012 و2016 المملكة الأردنية الهاشمية وقعدت في عمان، حوالي 4 سنين.

وتابع هريدي: رجعت من عمان في 2016 وشاركت في ليالي الحلمية، 2017 اشتعلت مع أستاذ عادل إمام في عفاريت عدلي علام، واشتغلت مع محمد في عدلي القط، و2018 و2019 مكنتش بشتغل.

وأردف مصطفى هريدي: بعد المسلسلين قولت الأدوار هتبقى كويسة وهتكتر، لكن مكنتش بشتغل واحنا مشكلتنا كممثلين لما بتشتغلي بتبقى عندك طاقة عايز تكمل، وعايز تبقى متواجد وحياة اللوكيشن والزملاء، فلما تقل بتزعل، وبيحدث بينك زعل وبين المهنة بتاعتك.

مصطفى هريدي عن أيمن بهجت قمر

وعن علاقته بالشاعر الغنائي أيمن بهجت قمر، قال: أيمن أخويا وعشرة العمر، اقنعني اجي لأني قعدت 4 سنين برا، وقالي لو قعدت اكتر من كده هتتنسى، والفترة دي حصل فيها تغيير كبير في السوق، وعشان دي شغلتي ومعنديش شغلة تانية غيرها.