عاجل
الخميس 29 سبتمبر 2022 الموافق 03 ربيع الأول 1444
رئيس التحرير
عمرو الديب

الباب يفوت جمل لـ سي السيد.. أبرز تصريحات تارا عماد في برنامج "مساء DMC"

تارا عماد
تارا عماد

حلت الفنانة الشابة تارا عماد مساء يوم الخميس الموافق 15 من شهر سبتمبر الجاري ضيفة في برنامج "مساء DMC" الذي يقدمه الإعلامي رامي رضوان ويذاع على شاشة تلفزيون قناة DMC، وفي الحلقة تحدثت تارا عن الكثير من الأمور التي تخص حياتها الشخصية والفنية أيضًا، وفي هذا التقرير يرصد تحيا مصر أبرز تصريحاتها في الحلقة:

أبرز تصريحات الفنانة تارا عماد

- فيه حد تنحنح في حياتي قبل كدا بس محصلش نصيب

- مستحيل ارتبط بشخص حاسس بتهديد من شغلي ليه هو ولكيانه، وعيب أوي لو خيرني بينه وبين شغلي

- أنا نفسي أني أمثل في هوليوود كممثلة مصرية، عايزة أمثل بلدي هناك لأن مفيش بنات من مصر غير قليل أوي

- لو اللي هرتبط بيه شخصيته سي السيد هقوله مع السلامة الباب يفوت جمل، ويبقى سي السيد على نفسه

- عادل إمام حبيب قلبي، ومسلسل صاحب السعادة هو اللي حطني على السلم مع إني قبلها كنت عاملة عاملين بس مسمعش

- الست من حقها تعند مع الراجل وتتفاهم.. وأغنية الراجل لرامي صبري هتضايق لو غنيتها

- بتكسف جدا واتمرنت إني أبقى تمام وكويسة على المسرح بس هو مش سهل خالص يمكن أصعب حاجة إني الواحد يقدم حاجة على المسرح

- أنا ممكن أسعى أني أدور على شخص أبقى معاه وأكمل معاه حياتي بس هي لما تبقى مكتوبالي أنها هتيجي هتيجي مهما قعدت أدور

- أنا مرة قدمت برنامج طبخ وبعد كدة وقف وعملت برنامج لبناني وكنت تايهة تماما

- تارا معناها نن العين بالتركي، النجمة اللي في السما بالهندي، بس مامتي سمتني تارا على اسم واحدة صحبتها

- وأنا صغيرة مكنتش فاهمة في المناخ خالص بس كنت واعية على فكرت إعادة التدوير وكدة

ـ أنا بعشق الأكل المصري وبحب الأكل أوي وبحب أطبخ أكلات كتير وطواجن ودايما بقول أنا لو مكنتش ممثلة كنت هبقى طباخة أو خبازة حتى لما سافرت سيوة اتعلمت أكلاتهم

ـ مكنتش خايفة من مسرحية علاء الدين وحبيتها جدا

تابع موقع تحيا مصر علي