عاجل
الخميس 29 سبتمبر 2022 الموافق 03 ربيع الأول 1444
رئيس التحرير
عمرو الديب

عمرو أديب: عايزين مسئولين دماغهم متركبة على الفلوس.. فيديو

عمرو أديب
عمرو أديب

شدد الإعلامي عمرو أديب ، على ضرورة  اختيار اتجاهات مختلفة للمشاركة في المؤتمر الاقتصادي المقرر عقده الفترة المقبلة، قائلا: "مش عايزين ناس بتقول الكلام اللي عارفينه".

تحيا مصر

وأضاف عمرو أديب، خلال برنامج "الحكاية" المذاع عبر فضائية "إم بي سي مصر"، مساء الجمعة،  :"لازم يكون فيه  حالة من المكاشفة ، خلاص مفيش هزار تاني عايزين نفهم كل حاجة ".

عمرو أديب: آن الآوان  نقبض

وتابع:" منذ 2014 وحتى اليوم ومصر تشهد حالة من التنمية والإنفاق، وآن الآوان  نقبض، معقبا:" عايزين نقبض بقى".

وأكمل:"مش هنقبض غير لما يكون فيه مسؤولين بيعرفوا يجيبوا الفلوس، عايزين مسئولين دماغهم متركبة على أننا نجيب دخل مش صرف".

وأردف :"كمان لازم يكون لدى مصر صناعة قوية، معقبا:" :"محدش يقنعني أني هشتري الفيشة المصري وهى وحشة، عايزين جودة في المنتج إحنا محدش أحسن مننا لازم نجود ونشتغل بإمكانيات أكتر".

وواصل: "الفترة اللي فاتت قولت إن هيكون في غلاء في الأسعار وركود طوال 2022، والناس طلعت انتقدتني، وناس تاني كلموني قالولي خليك متفائل وبشر الناس، معقبا:"خلوني بقى أتكلم معاكم عن 2023 وأقولكم إن أهم اقتصادات في العالم هيبقى فيها ركود، مش عاوز أضحك عليكم، السلعة هتكون موجودة ومحدش هيشتري".

أديب : 2023 هيكون يفها ركود

وقدم الإعلامي عمرو أديب، روشتة اقتصادية للمصريين لمواجهة ارتفاع الأسعار، قائلا: " أي حاجة غالية عن إمكانياتك متشتريش ، سبها وامشي حتى لو محتاجها".

وأضاف الإعلامي عمرو أديب، مخاطبا المواطنين:" متشتريش حاجة بالتقسيط، لو العربية غالية متشتريش، معقبا:"عمرو لما يقول حاجة اسمعوها وهتكسبوا".

وتابع :"السنة الجاية زي دلوقتي هتشوفوا عالم آخر، هتكون كل حاجة متوفرة وبالأسعار اللي تناسب كل مواطن، معقبا :" اللي سبته إمبارح من قلة الفلوس بكرا هتشتريه ".

وفي وقت سابق، وجه عمرو أديب خلال الحلقة مجموعة نصائح للمواطنين بترشيد الإستهلاك، فقال: “كل الطبقات دلوقتي بتتكلم عن زيادة الأسعار، طبقات بتتكلم عن الجبنة البيضة وطبقات ببتلكم عن النسكافية، الفترة الجاية صعبة ولو مرشدتوش استهلاكم هتعملوا كدة غضب عنكم”.

وتابع أديب حديثه: “بلاش تكييفات ومرواح نقلل استهلاكنا فيها بنسبة 25%، وبلاش تاكل بيضتين في اليوم، كل بيضة واحدة”.

ووجه عمرو أديب رسالة قاسية للتجار، قال فيها: "متطمعش النهارة وبكرة تقعد في البيت.. الأسعار لو زادت أكتر من كدة الناس مش هتنزل تشتري وانت اللي هتخسر.. وبلاش جملة دي أخر علبة دي".

وناشد عمرو أديب الحكومة ومسؤلي الدولة بضرورة التوضيح للمواطنين سبب زيادة الأسعار في مصر بشكل ضخم على عكس الدول الأخرى، كما تحدث أيضا عن زيادة الأدوية مناشدا المواطنين بالمقارنة بين أسعار الأدوية في الصدليات قبل الشراء.

تابع موقع تحيا مصر علي