عاجل
الثلاثاء 04 أكتوبر 2022 الموافق 08 ربيع الأول 1444
رئيس التحرير
عمرو الديب

خالد سرحان عن الزعيم: "هو بخير وأكيد عقلية زي عقليته مش هيجيلها زهايمر"

خالد سرحان
خالد سرحان

طمأن الفنان خالد سرحان الجمهور القلق على الزعيم عادل إمام، وذلك في مداخلة هاتفية مع الإعلامي خيري رمضان، ببرنامج حديث القاهرة، المذاع عبر شاشة قناة القاهرة والناس. 
تحيا مصر يرصد لكم تصريحات خالد سرحان عن الزعيم عادل إمام

خالد سرحان عن الزعيم عادل إمام 

وقال خالد سرحان: أنا كنت مع الزعيم قريب جدًا، والسوشيال ميديا جننت الناس والتريند ده عمل خلل في الدنيا ومش ممكن كل صفحة عايزة تاخد كم من المشاهدة تطلع أي إشاعة عشان بيكسبوا من ورا ده دي حاجة أنا مش فاهمها سواء ده بيحصل من حد مسؤول أو مش مسؤول.
وعن سبب عدم حضور  الزعين لحفل زفاف ابنة اخيه، قال: الناس بتسأل ليه الزعيم محضرش فرح بنت أخوه، أنت متخيل إنه ممكن يروح فرح فيه 2000 بني آدم هيتلموا عليه ده ممكن الفرح نفسه يبوظ، مفيش حد يحتمل.

خالد سرحان: أستاذ عادل كويس جدًا

وتابع: أستاذ عادل كويس جدًا، وهل عقلية كبيرة زي عقلية الزعيم يجيلها زهايمر يعني؟ الراجل بردو مركز وعارف وصحته بخير الحمد لله مفيش أي حاجة خالص وهو  زي الفل، وساعات بيسخر من الصفحات اللي بتقول إن عادل إمام في المستشفى، فالموضوع بيقلب بسخرية لأنه كتر أوي.
وأضاف: أنا بطمن الناس على صحة الزعيم هو زي الفل، ومن حق الناس تخاف عليه لأنه في وجدان المصريين كلهم، ولكن رفقًا بالناس كفاية إشاعات هما بني أدمين بردوا وأولاده ممكن يزعلوا وأحفاده لأنهم شايفينه كويس، وكل شوية شائعات بتفّول عليه.

خالد سرحان عن فيلم الواد وأبوه

وقال خالد سرحان عن فيلم الواد وأبوه: فيلم الواد وأبوه ده المفروض إنه بيجمع بين الزعيم وابنه محمد ومن إخراج رامي، وهما بيحضروا  له وعصام إمام هينتجه، والأستاذ عادل هيرجع إن شاء الله للشاشة، متسمعوش للشائعات السخيفة.

خالد سرحان عن طالبة المنصورة 

ويذكر أن علق خالد سرحان على واقعة طالبة الغربية التي لقت مصرعيها أمام جامعة المنصور على يد صديقها طعنها بسكينة بسبب معرفتها بشاب أخر بعد انفصاله عنه، وفقا لتصريحاته الأخيرة.

وأعرب خالد سرحان عن استيائه من تعليقات البعض، فكتب عبر حسابه الرسمي بموقع التواصل الإجتماعي “فيسبوك”: “الأفظع من القتل ان في ناس شايفين انها ممكن تستاهل عشان لبسها.. لكي الله يا مصر.. الله يرحمها ويجعل مثواها الجنه”.

تابع موقع تحيا مصر علي