وفاء عامر: أنا العمدة بتاع البيت.. وشائعة أم أيتن عامر بسبب فنانة كنت فكراها صديقتي

تحدثت الفنانة وفاء عامر خلال حلولها ضيفة على برنامج “واحد من الناس”، الذي يقدمه الإعلامي عمرو الليثي على قناة “الحياة”،عن شقيقتها وكيف تولت أمور منزلها حتى أصبحت كبيرة العائلة، فضلا عن سبب شائعة أنها أم الفنانة أيتن عامر.

تحيا مصر يرصد في ذلك التقرير تصريحات وفاء عامر في واحد من الناس

وفاء عامر: أنا العمدة بتاع البيت والمفروض مبغلطش

كشفت وفاء عامر عن دورها في الأسرة، فقالت: “أنا العمدة بتاع البيت، عشان ماليش إخوات ولاد فكنت ببقى الولد والبنت ومعاملتي بتبقى صعبة أحيانا، بحاول أوازن وأظبط الأمور ولازم يبقى كبير العيلة باصص للأمور كلها من فوق ودارسها عشان يعرف يقول رأيه وميغلطش ويتحط عليه، وأنا كبيرة العيلة”.

وتابعت حديثها: “واجهني مشاكل صعبة كتير، لأن الحل مش بيتحسب بس إني كبيرة لكن الحل هيضر مين وازاي هنستفيد وازي نحل ومنقعش تاني في المشكلة، وإحنا 5 بنات بيحملوني كتير وبعتبرهم ولادي لأني من وأنا صغيرة كنت أنا اللي بأكلهم وأشربهم، فمش حاسة إنه من بدري".

وفاء عامر عن شائعة أم أيتن عامر: “مكنتش هخبيها واللي طلعتها فنانة صديقتي”

وتطرقت وفاء عامر بالحديث عن شائعة أم أيتن عامر، قائلة: "مزعلتش من شائعة إني ام أيتن عامر لأني لو اتجوزت بدري كنت هخلف قدها، بس أنا هخبيها ليه؟، أنا كنت ديما أقول إن اللي بيغلط غلطة لازم يتحبس، واللي طلع الإشاعة دي الله يسمحها هي عارفة نفسها وهي فنانة كنت أظن إنها صدقتي وأما طلعت كدة طلعتلها لساني وعزلت، كانت بتعمل حاجات كتيرة وتقولي أنا مش عارفة أنا بعمل فيكي كدة ليه، بس اكتشفت إن أنا اللي بعمل لنفسي عشان بسمحلهم يعملوا فيا كدة، ومش بتنظر حد يعتذرلي ولو طلبتني في حاجة هتلاقيني، ولو فيه دور مش ببيقى وفاء".

أخر أعمال وفاء عامر

من ناحية أخرى، كانت قد شاركت وفاء عامر في السباق الرمضاني المنقضي في 3 مسلسلا درامية، إحدامها بعنوان “راجعين يا هوى”، أما الفنان خالد النبوي، والفنانة نور اللبنانية، فضلا عن خوضها بطولة مسلسل “بيت الشدة”، وأخرهم مسلسل جزيرة عمام إلى جانب كلا من طارق لطفي، فتحي عبدالوهاب، أحمد أمين، مي عزالدين، محمد جمعة، تأليف عبدالرحيم كمال، وإخراج حسين المنباوي.