عاجل
الثلاثاء 27 سبتمبر 2022 الموافق 01 ربيع الأول 1444
رئيس التحرير
عمرو الديب

علاقتي مع الجمهور زي النسب وهدخل كل منطقة في اسكندرية.. تصريحات محمد رمضان

محمد رمضان
محمد رمضان

ظهر الفنان محمد رمضان في بث مباشر عبر حساباته بمواقع التواصل الإجتماعي، أثناء توجهه بالسيارة إلى مدينة الإسكندرية، بعد رده على حملات منع حفله هناك.

تحيا مصر يرصد لكم تصريحات محمد رمضان في البث المباشر

محمد رمضان في طريقه إلى الإسكندرية 

- في حملة ممهنجة ولازم انزل اشوف وانا شغال عشان الجمهور

- لما لاقيت محافظ وصحف بتدعم الحملة قولت هنزل اسأل اسكندرية

- بدايتي كانت في اسكندرية وأول مرة أشوف عمر الشريف كان فيها

- ربنا يقدرني النهارده وادخل كل منطقة في اسكندرية 

- عندي حفل قريب في دبي وسوريا

- عمري ماستفزيت جمهور ومبوجهش الكلام ليهم 

- انا بنيت علاقة قائمة على الصدق مع جمهوري

- علاقتي مع الجمهور زي النسب بالظبط

- تصويري بكره الساعة 10 الصبح وهطبق في اسكندرية 

محمد رمضان في الإسكندرية 

ووافق محمد رمضان على إقتراح إحدى متابعيه لزيارة هذه الأماكن المهشورة في محافظة الإسكندرية، والذي كان: بيتزا هوت في محطة الرمل، ماك دونالز في الشاطبي، كبدة الفلاح محطة الرمل شارع القيصر، بن البرازيل ☕، جيلاتي عزة في بحري على البحر، الإمبراطور في ابو قير.

تعليق إحدى متابعي محمد رمضان 

وقد خرج الفنان محمد رمضان عن صمته، للرد على حملة اسكندرية لا ترحب بك يا رمضان، وذلك عبر حسابه الرسمي بفيسبوك منذ قليل.

محمد رمضان يرد على حملة اسكندرية لا ترحب بك

ونشر محمد رمضان مقطع فيديو، قال فيه: السيد محافظ الشرقية السابق بيدعم حملة اسكندرية لا ترحب بيك يا محمد رمضان، والجرايد الرسمية المصرية بتدعم حملة اسكندرية لا ترحب بيك يا محمد رمضان، والشركة المنظمة للحفلة بايعة 70% من التذاكر مع إن الحلفة كمان 17 يوم، ولسه بدري، حلو يا سيادة المحافظ، انا اتقالي اسكندرية لا ترحب بيك يا محمد رمضان، هقوم البس دلوقتي وانزل اسكندرية وربنا يقدرني وادخل كل منطقة في اسكندرية النهاردة اتأكد، عشان سيادتك لما الشعب بيطلب حاجة هتعمل زيي النهاردة وتنزل الشارع، وتسأل الغلابة تقولهم انتوا فعلًا زعلانين من ده ولا لأ؟

وتابع محمد رمضان: انا سمعت ان اسكندرية لا ترحب بيك، وانت بتدعم الحملة، أنا نازل اسكندرية دلوقتي على رجلي، من غير بني أدم حراسة.

أغنية دوشة تتصدر التريند

وقد احتفل محمد رمضان بوصول أغنية دوشة، إلى 7 مليون مشاهدة وذلك بعد طرحها بـ 7 أيام على قناته الرسمية بموقع الفيديوهات يوتيوب.

وحققت الأغنية ما يقرب من 8 مليون مشاهدة، كما أخذت المركز الثاني على يوتيوب، بعد تصدرها يوتيوب بالمركز الأول لمدة أيام متواصلة.

تابع موقع تحيا مصر علي