عاجل
الثلاثاء 04 أكتوبر 2022 الموافق 08 ربيع الأول 1444
رئيس التحرير
عمرو الديب

طبطب عليا لما بكيت وكان مستنيني أروحله.. نجوم الفن يروون مواقف مؤثرة لـ هشام سليم قبل وفاته

هشام سليم
هشام سليم

خرج عدد كبير من نجوم الفن يعربون عن صدمتهم لـ وفاة صديقهم الراحل هشام سليم راويين مواقف مؤثرة في حياة الفنان هشام سليم قبل رحيله عن عالمنا في صباح اليوم الخميس، والذي كان من بينهم الفنان شريف منير وحسام داغر، يرصدها تحيا مصر في ذلك التقرير.

شريف منير: كنت لسة بكلمه امبارح وكان مستنيني أروحله

شارك هشام سليم عبر صفحته الرسمية بموقع تبادل الصور والفيديوهات انستجرام صورة للفنان الراحل، وعلق عليه، قائلا: ""إنا لله وانا اليه راجعون.. لسة كنا بنتكلم اول امبارح وقولتله عايز اشوفك قاللى مستنيك يا شريف، لا حول ولا قوه الا بالله ربنا يرحمك".

منشور هشام سليم

حسام داغر يروي مواقف مؤثرة جمعته بـ هشام سليم

وحكي الفنان حسام داغر أيضا، عدد من المواقف المؤثرة التي جمعته بالفنان هشام سليم، فقال في منشور عبر حسابه الرسمي بموقع التواصل الإجتماعي “فيسبوك”: “رحل الجميل الطيب الجدع الحنين ابن الناس .. النضاف بيمشوا واحد ورا التاني .. لما شالولي مشاهد ليا في فيلم كلام في الحب و كان اول فيلم اشارك فيه و طلعت بره القاعه في العرض الخاص و بكيت جريت ورايا تطبطب عليا و خصوصا ان في مشاهد انت كنت فيها معايا و حضنتني و قلتلي اجمد لسه ياما هتشوف”.

حسام داغر: “كنت ديما ميهمكش مين وهيمك مين لأنك متربي على الأصول”

.وتابع داغر حديثه: “ لما انا اختلفت معاهم في مسلسل لحظات حرجه و كان المخرج الكبير ساعتها اول مره يخرج و مكانش مقدر اني عندي مسرحيه مبلغ بيها الانتاج و كان لازم امشي قبل الساعه ٩ و خرجت من قوضتك يومها زعقت فيهم و فكرت المخرج يومها الي اتريق علي فكره المشاركه في المسرح و اعتبرها تضييع وقت ان والده الكاتب الكبير اساسا كان موظف في مسرح الدوله و شرحله قاعده ان المسرح يلغي التصوير و التصوير يلغي البروفه و قلتلي انت لسه هنا اجري الحق مسرحيتك يا حس .. كنت دايماً ميهمكش و هيهمك مين و انت المتربي علي الاصول و الاخلاق و جبر الخاطر .. ربنا يجعل تعبك و مقاومتك للمرض اللعين في ميزان حسناتك .. طول عمرك محارب حاربت و اتحاربت كتير"

اختتم حديثه، قائلا: لكن المرادي للاسف خسرت المعركه و خسرنا كلنا هشام سليم .. ارتاح و نام ما هي الا نومة بنرتاح فيها كلنا .. او ممكن اعتبرها … استراحة محارب، مع السلامه يا برنس السينما و المسرح و التيلفزيون.. مع السلامه استاذ هشام سليم".

 

تابع موقع تحيا مصر علي