عاجل
الأربعاء 05 أكتوبر 2022 الموافق 09 ربيع الأول 1444
رئيس التحرير
عمرو الديب

مصطفى كامل يكشف عن رأيه في خلاف بهاء سلطان مع نصر محروس

مصطفى كامل
مصطفى كامل

كشف الفنان مصطفى كامل عن رأيه في الخلاف الذي وقع بين المطرب بهاء سلطان والمنتج نصر محروس، وأكد على أن كلاهما مخطئين فيما حدث.

تحيا مصر يرصد تفاصيل أبرز تصريحات الفنان مصطفى كامل عن الخلاف بين بهاء سلطان ونصر محروس

حيث قال مصطفى كامل أثناء وجوده مساء يوم الخميس في برنامج "حبر سري" مع المذيعة أسما إبراهيم: "بهاء زي ما كل مصر عارفة هو أخويا الصغير وطلع على إيدي، تقريبا وقفت كل شغل النجوم اللي كنت بشتغل لها وكنت بقول أنا بطلع جورج وسوف مصر، وأكبر كمان".

وتابع مصطفى كامل في حديثه عن خلاف بهاء سلطان ونصر محروس قائلًا: "نصر محروس أهم حاجة عنده زي أي منتج أهم حاجة عنده الربحية، وهو شاطر وذكي وتجاري جدًا، وفضل داير مع بهاء بنفس الشكل اللي دار بيه مع شيرين.. في يوم اتصل بيا نصر محروس وبهاء سلطان، قولت لهم لو جيتوا النقابة هتدخلوا محكمة أمن الدولة، خلوني زي ما أنا يا نصر جبتلك بهاء وقُلت لك أنا هدعمك في أي حاجة خليني أحلها معاكم ودي، لإن لو جتولي النقابة أنا معرفش أبويا، وبهاء ضر نفسه لأنه غريق، والاتنين خسروا حتى بعد ما سابوا بعض".

مصطفى كامل يتحدث عن موهبة شقيقه في الغناء

ومن ناحية أخرى، تطرق الفنان مصطفى كامل في حديثه لبرنامج حبر سري إلى موهبة شقيقه أحمد كامل في الغناء، حيث قال: "أحمد كامل صوته أحسن مني شخصيًا وهو كاسول، وأنا اللي زعلان إني عايزه يرجع وهو بيقولي أنا مبقتش حابب أرجع، ولكني بوعد الجمهور إني هقدم أحمد تاني الفترة اللي.. جاية زعلان على صوته".

مصطفى كامل والمهرجانات

ومن جانبه، أكد الفنان مصطفى كامل على أنه ليس ضد أغاني المهرجانات، حيث قال: “الفترة اللي ادارت فيها النقابة كان عندي مبدأ أن أنا ضد المنع، المهرجانات ظهرت في زمني أنا عن طريق أوكا وأورتيجا.. وجمعتهم وقولتلهم بص يا ابني أنا مبقطعش رزق حد بس لن أسمحلك طول ما أنا موجود هنا انك تدمر الذوق العام.. لون المهرجانات مش هيستمر كتير هو مسيطر ولكنه لن يدوم”.

تابع موقع تحيا مصر علي