شريفة ماهر لـ منتقدي صورة ميرفت أمين: "اللي يجرح حد بالشكل ده انسان مش متربي"

خرجت الفنان شريفة ماهر خلال لايف عبر موقع تحيا مصر لتهاجم منتقدي صورة الفنانة ميرفت أمين الأخيرة في عزاء المخرج علي عبد القادر والذي ظهرت خلالها بوجه مجعد، مؤكدة أن هؤلاء الأشخاص عديمي التربية.

تحيا مصر يرصد في ذلك التقرير هجوم شريفة ماهر على منتقدي صورة ميرفت أمين

شريفة ماهر لـ منتقدي صورة ميرفت أمين: عيب اللي عملتوه هي زي القمر ومكبرتش

قالت شريفة ماهر خلال حوارها لـ موقع تحيا مصر: “ميرفت أمين من أحسن الناس في مصر وأخلاق الدنيا فيها، ليه أجرحها وأقول تجاعيد والكلام ده واحدة رايحة تعزي هتعمل مكياج يعني؟.. عيب الكلام بتاعنا ده وهي زي القمر ومكبرتش”.

وتابعت حديثها: “بقولها انها قمر وأخلاق الدنيا فيها والكبر والصغر بتاع ربنا وهي أصغر مننا كلنا عيب ان حد يهاجم واحدة بالشكل ده دول ناس مش متربية ازاي نجرح حد بالشكل ده بدل ما نقولها شكرا إنك عزيتي في زميلك”.

شريفة ماهر: أنا اللي دخلت ميرفت أمين الفن وهي اعترفت بده

وأكدت شريفة ماهر تصريحاتها السابقة التي قالتها مؤخرا بشأن كونها السبب في دخول ميرفت أمين الفن، فقالت: “أنا اللي قالت ان شريفة ماهر دخلتي الفن، ودا لاني كنت في كرامة زوجتي وهي كانت جميلة وأخلاق الدنيا فيها ومشوفتش أخلاق بالطريقة دي فلقيتها عايزة تدخل في الفن كلمت رمسيس نجيب وقولتله عليها”.

ميرفت أمين تتعرض للتنمر

وكانت الفنانة ميرفت أمين تعرض لهجوم شديد والتنمر بعدما انتشر صورة لها في عزاء المخرج الراحل علي عبد الخالق بدى على وجهها علامات التجاعيد وكبر السن، وبدأ الجمهور يقارن صورتها في الطفولة مع صورتها في ذلك الوقت والتي بدت مختلفة تمام، الأمر الذي أزعج عدد كبير من نجوم الفن وخرجوا ليدافعوا عنها بكل قوتهم، وعلقت ميرفت أمين على هذا الأمر، قائلة: "أنا مش عارفة هما صايدني ليه طول الوقت، وبعدين يتكلموا على عزا ويقولوا شكلها مهموم وشكلها كبرت، هل أنا مطلوب مني في العزا أن أنا أروح بمكياج كامل ولا مطلوب مني أروح ازاي، أول شائعة بتاعت الوفاة هما مش بيقدروا ان فيه ناس أنا متواصلة معاهم على طول أو لأي أسباب أنا مش بكلمهم أو بنتي في مكان مش قادرة توصلي.. لما بيوصلهم حاجة زي كدا الناس بتتخض، أنا اتعودت على كدا ومبقتش بتفرق معايا أوي بس اللي حواليا بيتضايقوا”.