بدرية طلبة تكشف عدد عمليات التجميل التي خضعت لها: “مبعدش يا جيمي”

تحدثت الفنانة بدرية طلبة خلال لقائها ببرنامج البخت، المذاع عبر شاشة قناة الشمس، عن عمليات التجميل التي خضعت لها.

تحيا مصر يرصد لكم تصريحات بدرية طلبة عن عمليات التجميل التي خضعت لها

تصريحات بدرية طلبة ببرنامج البخت

- البوتوكس أمر مفروغ منه لينا عشان العلامات والخطوط

- عندي هالات سودا مرضية بسبب الغدة

- وأي عملية تجميل عند الهالات بعملها

- أي حاجة لعنيا جاية فيها وحطيت فيلر بقيت شبه السيد قشطة

- قولت للدكتور الحقني ده مش انا.. انا منفوخة

- أنا عاملة ميكروبليدنج والستات كلها عاملينه

- عملت شد جفون عشان هيقلل من الهالات السودا

- هعمل كرشي قريب عشان كأني حامل في توأم

 بدرية طلبة: “نفسي اشفطر شفايفي”

وقالت بدرية طلبة: شفايفي أمنية حياتي اشفطرها عشان معنديش شفايف.. وصوري القديمة تشهد ان مفيش شفايف، وبعمل محاولات وتنزل تاني، ودكتورة صديقتي قالتالي ممكن تفصلي البلازما وتحولها لـ فيلر وعملتها.

 بدرية طلبة عن عمليات التجميل: “عملت فيلر للهالات خلاني شبه سيد قشطة”

وعن عملية الفيلر الهالات السودا، قالت: حطيت فيلر قبل كده للهالات السودا بقيت شبه السيد قشطة، وقولت للدكتور الحقني ده مش انا، انا منفوخة.

بدرية طلبة تعلق على اقتراح انتصار بشأن تدريس الثقافة الجنسية

وقد علقت بدرية طلبة على اقتراح انتصار بتدريس الثقافة الجنسية في المدارس بعد تصريحها بذلك فب برنامج كلمة أخيرة.

وقالت بدرية طلبة: الحماية الأم اللي بتعملها، بالإضافة إلى إنها تثقف وتنصح أولادها في البيت، لكن في المدرسة وعلى الملأ متهيألي ده هيدي العكس. وتابعت: وهذه الفكرة ليست صحيحة.. أنما زي ما احنا اتربينا، الأم توعي بنتها، والأب يصاحب الأبن ويوعيه.

وكانت قد تحدثت انتصار عن ضرورة توعية الأطفال منذ الصغير وتنشأتهم على الثقافة الجنسية في المدارس، في برنامج كلمة أخيرة، قائلة: التربية الجنسية في المدارس مهمة علشان بعد كدا ما يقتولوش بعض ويغتصبوا بعض، لازم نوعيهم، علشان لما الشخص يحب ما يتصدمش، يبقى عندو ثقافة ويبقى فاهم حدود العلاقة هو والطرف الآخر، مش يطلعوا يحبوا بعض وأول ما تقوله “لا” يقوم دابحها.