عمرو أديب: إحنا في أزمة مينفعش الدلع والبغددة.. فيديو

عقب الإعلامي عمرو أديب على مناقشة مجلس الوزراء لفكرة طرح جزء من أسهم الوطنية في البورصة، قائلا:"أنا معنديش أرقام ولا معلومات عن اللي حصل ف الاجتماع النهاردة بس كل ما قدرتوا تزودا الجزء أهلا وسهلا".

تحيا مصر

وأضاف الإعلامي عمرو أديب، خلال تقديم برنامجه "الحكاية " المذاع على فضائية "إم بي سي مصر"،مساء اليوم الاثنين: " ، لو صارف على وطنية مليون جنيه وجالك حد أنا عايز الشركة بعشرة مليون متبعاش ليه؟".

أديب: أنا كمواطن أقدر أدفع 170 دولار واشتري سهم أبل

وتابع "يا جماعة أنا كمواطن أقدر أدفع 170 دولار واشتري سهم أبل وشركة أبل فيها كاش قد الحكومة الأمريكية مرتين، هذه البلد لا محتاجة معجزات ولا حاجات غريبة هي محتاجة فقط التمويل والاستثمار".

وأعرب الإعلامي عمرو أديب، عن سعادته بشأن تفكير الدولة في طرح جزء من أسهم شركة الوطنية التي تملك 200 محطة بنزين كأولى خطوات الدولة للتخارج.

وأكمل الإعلامي عمرو أديب:" اختيار الدولة لشركة الوطنية التابعة للقوات المسلحة هي بداية جيدة، معقبًا "هيقولوا الدولة تبدأ بالشركات الناجحة وهذا يعني أنها جادة في التخارج".

وواصل "عايز أقول الأهلي لو نزل وطرح أسهم شركاته في البورصة كام واحد هيشتري، معقبا:" طبعًا هيقولوا عمرو أديب عايز يبع النادي الأهلي، لا النادي الأهلي موجود والجزيرة موجودة والخطيب موجود وحسين الشحات موجود".

أديب:النهاية النادي عايز شوية فلوس

وأردف: "إنما في النهاية النادي عايز شوية فلوس يعمل استاد في مدينة نصر ومدينة 6 أكتوبر مش بقول اختراع دي وسيلة من وسائل التمويل الواضحة".

واستطرد "المستثمر دايما يبص على البلد اللي هيستثمر فيها بترحب بالمستثمرين ولا لا، إحنا لا نرحب بالمستثمرين كويس يا على المستوى الشعبي ننكد عليهم أو على المستوى الحكومي نعملهم بيروقراطية، أنا صديقي مستثمر عربي قالي أنا أكثر أرباح بعملها في مصر".

وفي وقت سابق، استنكر الإعلامي عمرو أديب، الحديث عن حياة الفنان الراحل هشام سليم الشخصية بعد وفاته، قائلا: "هشام سليم مات، إنتم مالكم باللي حصله، وهل كان في خناقات مع أهله ولا لاء، فارق معاكم إيه كان في مشاكل مع إخواته ولا أولاده".

 وأضاف الإعلامي عمرو أديب، :" ما نترك الناس تموت في سلام، بقالنا سنتين مش بنسيب الناس اللي ماتوا في حالهم، ليه بقيتوا متوحشين كده، انا بقيت خايف أموت، أنا مش عايز أموت عشان اللي أنتم بتعملوه ده، هتعملوا حفلة غير طبيعية عليا بعد ما أموت، لما أموت قولوا الله يرحمه وخلاص ".

أديب: هشام سليم توفى في حضن أهله

وتابع:" الناس بتقول أخو هشام سليم  مصلاش عليه، أنتم مالكم، قولوا الله يرحمه، معقبا:" ده ابن صالح سليم، يا عالم يا ظلمة ده بين ايد الرحمن الرحيم، اتقوا الله خلوا عندكم رحمة".