انا هلس ومعنديش خطوط حمراء واتعرضت للغدر من الرجالة.. أبرز تصريحات سوسن بدر

حلت الفنانة سوسن بدر ضيفة على برنامج واحد من الناس، الذي يقدمه الإعلامي عمرو الليثي على قناة الحياة، والتي صرحت خلاله عدد من التصريحات الجريئة عن حياتها الشخصية تكشفها لأول مرة، وينشرها تحيا مصر في تلك السطور.

تصريحات سوسن بدر مع عمرو الليثي

• من أفضل الفنانات في الجيل الجديد  منة شلبى ومنى زكى، وجيل الأساتذة  إلهام شاهين ويسرا.
• مفيش نمبر وان في الفن لأنه مش بالضرورة أبقى كويسة في كل الأعمال وهي مش قاعدة.
• حزنت من التغيير اللي حصل في سلوكيات الناس بسبب السوشيال ميديا والطوب الذي بيرموه من ورا الشاشة.
• مش برفض أدوار عشان العري ولكن برفض العري الغير منطقي وملهوش لازمة في العمل ولكن مليش شروط محددة او خطوط حمراء لأني ممثلة.
• في فيلم الفرح كنت هموت واعمل دور الرقاصة بس كنت خايفة من بدلة الرقص.
• ومعنديش خصومات في الحياة زمان كنا بنعافر دلوقتي خلصت المعافرة، انا حاسة ان انا دلوقتي قاعدة بدلعني.
• عملت عملية تجميل من زمان في الخطوط اللي في وشي عملت بوتكس وشكلي كان غريب.
• عملت تكميم معد بسبب ان حصلي لغبطة في الهرمونات فتخنت.
• أنا هلس ودمعتي قريبة في الأعمال الفنية فقط.
• لو الزمن رجع بيا تاني هعيد كل التجارب بكل الأخطاء بتاعتها.
• عملت اعمال ليها اثر في المجتمع ومبسوطة بيها وعندي احلام لسة احققها وعايزة أفضل اعمل ادوار للجمهور وأكون حباها.
• مش بخاف من الموت نهائي الموت ميتخافش منه  ومستعدة للموت جدا.
• وأنا معنديش غلطة ونقطة ضعفي ان حد يكدب عليا.
• روحت زمان  لطبيب نفسي وكان شايف اني عندي اكتئاب عشان الحياة صعبة ومش معايا فلوس.

اخر أعمال سوسن بدر

يذكر، أن آخر أعمال الفنانة سوسن بدر مشاركتها في  مسلسل أبو العروسة بموسمه الثالث الذي عرض قبل السباق الرمضاني 2022 وحقق نجاات ساحقة خلال فترة عرضه، والذي شاركت به أمام سيد رجب، سوسن بدر، مدحت صالح، نرمين الفقي، خالد كمال، ميدو عادل، ولاء الشريف، محمود حجازي، رانيا فريد شوقي، أحمد صيام، صفاء الطوخي، محمد حاتم، أماني كمال، ديانا هشام، وكارولين عزمي، والمسلسل من إخراج كمال منصور، تأليف هاني كمال، ودرات أحداثه في فترة انتشار فيروس كورونا المستجد، والرعب المتناثر بين الشعب، ليوضح أيضا كيف يتعامل الشعب المصري مع تلك الأزمة.