عاجل
الثلاثاء 19 مارس 2024 الموافق 09 رمضان 1445
رئيس التحرير
عمرو الديب

رامي جمال يكشف تفاصيل بداياته الفنية في برنامج "سهرانين"

رامي جمال
رامي جمال

تحدث المطرب رامي جمال عن بداياته الفنية وتفاصيل أول خطوة إحباط قابلها في حياته، وذلك أثناء حلوله ضيف في برنامج "سهرانين" الذي يقدمه النجم أمير كرارة على شاشة تلفزيون قناة "أون" في تمام الساعة الثامنة مساءً.

تحيا مصر يرصد تصريحات رامي جمال عن بداياته الفنية

حيث أكد رامي جمال على أنه بدأ في الغناء وهو في سن صغير جدًا، وقال لـ برنامج "سهرانين": "أنا بدأت أغني من وأنا في الحضانة، فأنا عارف حجم موهبتي، ودايمًا عندي الإيمان إن الحاجة دي هوصل بيها في يوم من الأيام، أنا كويس في اللي أنا فيه دلوقتي، ولكن ده مش حلمي، أنا طمعان في نجاح أكبر من اللي أنا فيه".

أول موقف محبط يواجه رامي جمال

ومن ناحية أخرى كشف المطرب رامي جمال عن تفاصيل أول موقف محبط يواجهه في حياته الفنية، حيث قال: "أستاذ بهاء الدين محمد مش أول حد يحبطني، ولكن هو أول خطوة إحباط متشافة قدام الناس، ولما قالي إحنا عايزين نشتغل سوا، هو مكنش فاكر إنه قال لحد في يوم من الأيام شوف شغلانة تانية غير المزيكا".

وتابع رامي جمال قائلًا: "ولما في مرة كلمني وقالي عايزين نشتغل سوا أنت ملحن شاطر، وأنت مطرب شاطر، قُلت له يا أستاذ بهاء أنا نفس الشخص اللي حضرتك قُلت له من 20 سنة شوف شغلانة تانية غير المزيكا، قالي أنت عارف إن بسببك أنا برامج المسابقات مش هقبلها".

أخر أعمال رامي جمال الفنية

ومن الجدير بالذكر أن أخر أعمال المطرب رامي جمال أغنية "سيبنا بعض" التي تم طرحها عبر القناة الرسمية لشركة "نجوم ريكوردز" وهي الشركة المنتجة لألبومه الجديد “يستاهل بوستين” يوم 11 من شهر أغسطس الماضي، وقد حققت الأغنية منذ طرحها وحتى الآن أكثر من 942 ألف مشاهدة.

وتعتبر أغنية سيبنا بعض من كلمات وألحان رامي جمال، وتوزيع أحمد عبد السلام، ومن كلماتها: “سيبنا بعض، سيبنا بعض وروحنا ومشينا خدنا وعد ننسى بالأيام ولا نسينا عشنا بعد، عدى وقت كتير وحنّينا قولنا نرجع تاني مرتحناش سيبنا بعض".

تابع موقع تحيا مصر علي