عاجل
الأحد 27 نوفمبر 2022 الموافق 03 جمادى الأولى 1444
رئيس التحرير
عمرو الديب

تامر حسني وحماقي رفضوا يغنوا "أوعديني".. أبرز تصريحات رامي جمال في "سهرانين"

رامي جمال وأمير كرارة
رامي جمال وأمير كرارة

حل المطرب رامي جمال والمطربة نداء شرارة مساء أمس الخميس في ضيافة برنامج "سهرانين" الذي يقدمه النجم أمير كرارة ويذاع على شاشة تلفزيون قناة أون، وأثناء الحلقة تحدث رامي جمال عن الكثير من الأمور التي تخص حياته الفنية ويكشفها لأول مرة، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات رامي جمال في برنامج سهرانين

- كان عندي تحفظ في أغنية "سقف سقف" على كلمة سكري وملبن طري

ـ أغنية اوعديني بعد ما عملتها رحت لـ محمد حماقي وسمعها وقالي حلوة جدًا وسيبني أفكر فيها

ـ وبعد شوية قالي لأ يا رامي مش حاسس الأغنية وحاسس إني سمعتها قبل كده

ـ بعت الأغنية لـ تامر حسني، في نفس الوقت.. أنا أول ما تامر ماردش خدت القرار إني هدخل أسجلها تاني يوم، والحمد لله هي من أهم الأغاني في طريقي

ـ أحمد سالم فنان صوته أجبر كل العالم العربي إنه يحترمه

ـ أنا بسدد في أحمد ديون ناس عملتهالي وساعدتني، ودورنا في الحياة مش بس إنك توصل

ـ أنا قُلت لأحمد أول ما قعدت معاه أنا هعملك أغنيتين واحدة أنا وأنت وواحدة لوحدك، ومش همضيك عقد احتكار

ـ سألت أحمد لو منجحناش هتعرف ترجع تشتغل تاني ولا لأ؟.. لقيت إجابته إجابة راجل شقيان، وقالي هرجع أشتغل عادي جدًا

أحدث أعمال رامي جمال

ومن الجدير بالذكر أن أحدث أعمال المطرب رامي جمال كمغني أغنية "سيبنا بعض" التي تم طرحها عبر القناة الرسمية لشركة “نجوم ريكوردز” يوم 11 من شهر أغسطس الماضي، وقد حققت الأغنية منذ طرحها وحتى الآن أكثر من 942 ألف مشاهدة.

وتعتبر “سيبنا بعض” من كلمات وألحان رامي جمال، وتوزيع أحمد عبد السلام، ومن كلماتها: “سيبنا بعض، سيبنا بعض وروحنا ومشينا خدنا وعد ننسى بالأيام ولا نسينا عشنا بعد، عدى وقت كتير وحنّينا قولنا نرجع تاني مرتحناش سيبنا بعض، سيبنا بعض وروحنا ومشينا خدنا وعد ننسى بالأيام ولا نسينا عشنا بعد، عدى وقت كتير وحنّينا قولنا نرجع تاني مرتحناش سلام سلام وخلاص".

تابع موقع تحيا مصر علي