ويجز للجمهور: مكنتش بطلع أشارك حاجة معاكوا علشان بتتاخد في سكك تانية وأتمنى تصفوا النية

خرج مطرب الراب ويجز في فيديو عبر حسابه الرسمي بموقع تبادل الصور والفيديوهات انستجرام، من خلال خاصية “ستوري”، موجها رسالة لـ رواد السوشيال ميديا بشأن تعليقاتهم الهجومية.

تحيا مصر يرصد في ذلك التقرير رسالة ويجز للجمهور 

ويجز: متحاربش الأذى بالأذى وأتمنى من كل حد يحط نفسه مكان التاني ويقدر ظروفه

قال ويجز خلال الفيديو: اللي بيحصل في الجيل الحالي، وإن العالم بيتغير ومين دول، كان بيحصل في كل الأجيال، وديه نقطة مهمة جدًا إن العالم بيتغير بسرعة جدًا، وقبل النت غير ما بعد النت، وفي حاجات لسه هتطلع هتتغير أكتر وأكتر، ومتحاربش الأذى بالأذى، أتمنى من كل حد يحط نفسه مكان التاني، ويقدر ظروف غيره في كل الأوقات.

وتابع حديثه، قائلا: حتى لو هتتعصب أتعصب في المحيط الأمن بتاعك، في محيط الناس اللي عارفه أنك متعصب، بس مش مجنون، وده حبيت إنه أشاركوا معاكوا، مكنتش بطلع أشارك أي حاجة معاكوا علشان بتتاخد في سكك تانية خالص، وأتمنى الناس تصفي النية معايا، وإن شاء الله تشوفوني كتير على الستوريز أشارك معاكوا حاجات تانية.

ويجز يتعرض للانتقادات بسبب أميرة

من ناحية أخرى، كان قد تعرض مطرب الراب ويجز لـ عدد من الانتقادات بسبب أغنية اميرة التي طرحها مؤخرا، والتي تعد الجزء الثاني لـ أغنية “البخت”، وكانت من بين تعلقات الجمهور الساخرة على الأغنية “ويجز شطب خلاص، الجزء التاني من البخت، لا ارجع للبخت تاني، ويجز دياب، ارجع اني يا ويجز، اي القرف ده”.

وقال ويجز: "نفسي الناس تجاهد نفسها وبعدين تيجي تجاهد عندي، مبادئك طبقهم على نفسك وبعدين أما الناس تقول هو ده المثال اللي بيحتذى به أنا هاجي أسألك انت ازاي عملت كدة عايز أتعلم المبادئ اللي عندك، غير محدش يقولي انت تعمل أو متعملش اي في حياتك اتبسطوا وسيبوني أتبسط”.

أغنية أميرة أخر أعمال ويجز

وكانت قد حققت أغنية أميرة لمغني الراب ويجز بالتعاون مع آش، تريند رقم 1 على يوتيوب ، وأتت كلماتها: “يه ي اميره….. عن يدى بعيده  عايشه عيشه غير العيشه وانا ع بابه احلامى بسيطه ماعدى حلمى انى اكفيها  ومعييش ومنين هنجيب بشر بتجرى بتجرى بتجرى وقرش خسيس بعلى حسى بقول وبعيد يا زهر مالك سيبنا نعيش انا مش زى امبارح  طمعت ف الحاجات من امتى كانت فرقالى غير لما الاميره جات”.