عاجل
السبت 26 نوفمبر 2022 الموافق 02 جمادى الأولى 1444
رئيس التحرير
عمرو الديب

محمد نجاتي: الكلمات مشكلة المهرجانات.. وهاني شاكر مالوش دعوة بنوع الموسيقى

محمد نجاتي
محمد نجاتي

حل الفنان محمد نجاتي ضيف برنامج بدون فلتر، عبر شاشة قناة الشمس، وتحدث عن رأيه في المهرجانات وغيرها من الأمور التي دارت في الوسط الفني.

تحيا مصر يرصد لكم تصريحات محمد نجاتي في برنامج بدون فلتر

محمد نجاتي: هاني شاكر مالوش دعوة بنوع الموسيقى

وقال محمد نجاتي: الكلمات هي مشكلة المهرجانات الشعبية، ولازم يكون فيه رقابة على الكلمات، وهاني شاكر لما اعترض كانت مشكلته خامة الصوت ونوع الموسيقى مع إن المفروض محدش له دعوة خالص بنوع الموسيقى لأنها ممكن تعجب ناس تانية.

وتابع نجاتي: طالما فيه نوتة على نوتة وبدون نشاذ يبقى دي موسيقى.. ومش موضوعنا هل مؤدي المهرجانات صوته حلو ولا لا ومش لازم أطلع أقول يا ليل ويا عين عشان أعجبك.

محمد نجاتي عن تصريح الفنان أهم من الشيخ

وعلق محمد نجاتي على تصريح الفنان والشيخ، قائلًا: أنا كل مرة بطلع في البرامج بقول إني مقصدش إن مهمة الفنان أحسن من شيخ المسجد، ولكن الفنان بيدخل البيت وبيعلم الأطفال أكتر من دكتور الجامعة اللي بيعلم مادة علمية والشيخ اللي بيعلم مادة دينية.

وتابع نجاتي: الفنان بيعلم الحياة وأسلوب الحياة، فمن هنا الفنان أخطر وبقى الفنان أهم.

محمد نجاتي يتصدر التريند بتصريحاته

وعن تصدره التريند بعد تصريحه عن الفنان والشيخ، بدلًا من تصدره التريند بأحدث أعماله “ضربة معلم”، قال: تريند مهمة الفنان أهم من شيخ المسجد، خلاني أعمل برامج وأطلع في برامج لو كنت مقلتش التصريح ده دون أن أقصد وبعفوية مكنتش عملتها.

وتابع نجاتي: وساعتها كنت بتكلم على مسلسل ضربة معلم، وكمية البرامج والصحفيين اللي كلموني كانت أكتر من نجاح المسلسل نفسه، وأنا اتخضيت، وفكرة التريند دلوقتي أهم من المسلسل.

محمد نجاتي: أنا لو شيخ هقول الفنان أخطر

وأردف محمد نجاتي: ولا مرة كنت أقصد أعمل تريند، وأنا متحمل التصريح لآخر يوم في عمري حتى لو سبت الشغلانة، وحتى لو أنا شيخ مسجد هقول إن الفنان أخطر.. لأن مش ممكن الشيخ أو دكتور الجامعة يوجه الأجيال لـ حاجات مش كويسة، لكن الفنان ممكن جدًا يوجه لحاجة مش كويسة.

احتفل الفنان محمد نجاتي منذ ساعات قليلة بدخوله عالم البيزنس حيث افتتح أولى مشاريعه داخل مدينة العلمين وسط حضور عدد من النجوم.

تابع موقع تحيا مصر علي