"حياتي مش هتخلص بعد ما أموت والفن مش حرام"... أبرز تصريحات كارول سماحة في حبر سري

حلت المطربة كارول سماحة، ضيفة على برنامج “حبر سري”، الذي تقدمه الإعلامية أسما ابراهيم عبر قناة القاهرة والناس، والتي كشفت خلاله العديد من التصريحات الجريئة والمختلفة، ويرصدها تحيا مصر في ذلك التقرير.

تصريحات كارول سماحة في حبر سري

• انا معتقدة اني حياتي مش هتخلص بعد ما أموت فيه حاجات كتير لسة هتحصل.
• عمري ما شوفت اني بعمل حاجة حرام عشان ماشية في خط مستقيم وبالنسبة ليا الفن أجمل وأرقى شيء.
• الناس هاجموني على صورتي مع الشبل بطريقة بشعة وانفعالتهم كانت عنيفة.
• بعد الجواز اكتشفت ان فرق الأديان سهل ومش بيعمل مشاكل.
• مصر البلد الوحيدة اللي فضلت واقفة على رجلها والعالم كله برة بيتلكم عليها.
• ميريام فارس فنانة شاطرة وموهوبة في الرقص.
• الشخصية القوية مش بتتأثر بحرمانية الفن عشان هتروح للفن اللي مش حرام.
• عملت أغنية راب بس مسوقتلهاش ومستعدة أعمل تاني.
• ناس بتطلب مني أمثل تاني وأعملهم مسلسل زي الشحرورة.
• محدش اتعرض عليه دور الشحرورة غير ودا كلام من المنتج نفسه.
• التطور اللي في مصر روعة والعالم كله بيتكلم عليها..  مصر عملت قفذة رائعة وكبيرة.
• بنتي بتربيني وبتحرجني وبعتبرها مراية لـ أخطائي.
• بتبرطني علاقة صداقة قوية بـ أحمد السقا ومينفعش نقارن وائل كافوري بمطرب جديد.

كارول سماحة تتألق في أغنية ملوك اللعبة دي

من ناحية أخرى، كانت قد تألقت المطربة كارول سماحة في أغنيتها الشهيرة “ملوك اللعبة دي”، التي اتت كلماتها: “خدنا الأجازة وخلاص ننسى الضغوط دي يا ناس وضبنا شنطتنا اهو وكله جاهز تمام.. قعدتنا اخر مزاج ضحك وهزار واندماج لمة وسهر فيلم حلو ومحدش ينام.. اه لالالاا تعبنا كتير أخيرا خدنا أجازة اه لالالا مفيش تليفون نرد عليه اه لالالا حلو التغيير وهمنا مالهوش عازة اه لالالا نروّق يوم هيحصل ايه.. بتروح وتيجي الفلوس بس اللي باقي النفوس دي الرحلة بالناس وبالناس بنقدر نعيش ها احنا ايه ف جيبنا كام هنعيش اللحظة وتمام مش فارقة عادي احنا بنعيشها لو كان مفيش”، وحققت الأغنية نجاحات ساحقة عبر موقع الفيديوهات الشهير يوتيوب، بملايين المشاهدات.