علاء مرسي: أشرف عبد الباقي اتربى في حضن عبد المنعم مدبولي وممثلين مسرح مصر عظماء

تحدث الفنان علاء مرسي عن رأيه في فرقة مسرح مصر، بالإضافة إلى بعض التفاصيل عن أشرف عبد الباقي في المسرح، وذلك في لقائه ببرنامج واحد من الناس.

تحيا مصر يرصد لكم تصريحات علاء مرسي عن فرقة مسرح مصر وأشرف عبد الباقي

علاء مرسي: أشرف عبد الباقي اتربى في حضن عبد المنعم مدبولي

وقال علاء مرسي: أشرف اتربى في حضن عبد المنعم مدبولي، واتعلم كيف يدير بنفس دماغه، حتى في طريقة توجيهه، وخد منه حالة الهرتلة بضحك، وخلق نجوم من العظماء.

علاء مرسي ونجوم مسرح مصر

وعن نجوم مسرح مصر، قال: علي ربيع بحب أشوفه، وتوتا عظيم، وكلهم ممثلين شاطرين، بس اللي بارز منهم “توتا”.. مصطفى خاطر وعلي ربيع وتوتا بارزين ومواهب مهمة، وبدعوا الكتاب يعملولهم حاجة عظيمة وهيبقى عندنا فيلم كوميدي كويس.

علاء مرسي: محمد حسن رمزي كلمني قبل وفاته وقالي سامحني

وحكي علاء مرسي قصته مع المنتج الراحل، قائلًا: المنتج محمد حسن رمزي قبل ما يتوفى كلمني وقالي ادعيلي انا مسافر وتعبان، وقالي عايزك تسامحني وانا موقفتش جنبك، قولتله ده انا يكفيني نك بتكلمني وكان راجل مهذب.

علاء مرسي وكواليس عمله مع محمد نجم

وعن كواليش تحضيره لعمل فني مع محمد نجم، قال: واحد صديقي جابلي رواية وقالي عايزين محمد نجم، وروحت قعدت معاه على السلم عشان كان بيخاف من الكورونا وكنا هنبدأ بروفات لكن توفاه الله، وكنت بتفرج أنا وهنيدي ووووو بنتفرج عليه عشان نضجك.

علاء مرسي: قصرت مع أسرتي

وعبر علاء مرسي عن حزنه الشديد بسبب تقصيره مع أسرته، قائلًا: مكنتش بفسح ولادي ولا زوجتي حتى لو فاضي، عشان أنا قليل الخروج وبحكم مهنتي بعدت عن الأسرة إني أقوم بالواجب على أكمل وجه.

وتابع عن رفضه لأدوار الشرف، قائلًا: قولت مش هعمل ضيف شرف تاني، وكنت بروح عشان اقفل مع صحابي ومبياخدوش فلوس، وفي أعمال كتير اشتغلتها ببلاش حتى لو محتاج فلوس.

تصريحات أخرى لـ علاء مرسي

• ندمت على مشهد ماما حلوة عشان حصرني
• وكان لازم يحصل للشخصية دي استكمالًا
• وندمت على هذا النجاح لأن كان نفسي أعلى عليه وبشوفه نجاح مُعلق
• نكشت أحمد السقا في لقاء وعشان هو ابن اصول لاقيته تحت بيتي
• السقا قالي لو مزعلك في حاجة حاسبني لكن هي كانت قمصة منه