عاجل
الجمعة 12 يوليو 2024 الموافق 06 محرم 1446
رئيس التحرير
عمرو الديب

شهد تطلب الخلع : جوزى بيهددنى بصورنا فى أوضة النوم عشان يأخد فلوسي

صورة أرشيفية
صورة أرشيفية

" كل الناس قالتلى أنه طمعان فى فلوسك وورثك من أهلك، لكن الحب كان عمينى وكنت شايفة ملاك قدامى وأنه عمره ما يجبرنى اصرف مليم من فلوسي زى ما كان بيمثل قبل الجواز لكن كان معاهم حق، لم اتجوزنا بقي يطلب فلوس بحجة مشروع وعلى سبيل السلف، ووقفت معاه مرتين لكن أكتشفت أنه بيصرف الفلوس ولا بيعمل أى حاجة ولما قررت أمنع عنه الفلوس هددنى بصورى فى أوضة النوم وأنه هينزلها على المواقع الإباحية " جاءت هذه الكلمات على لسان شهد وهى داخل محكمة الاسرة لرفع دعوى خلع من زوجها مبررة استحالة العشرة معه .

تحيا مصر

وقالت شهد فى دعوى الخلع التى أقامتها ضد زوجها: " والدى ووالدتى متوفين وأنا فى سن صغير وأخواتى متجوزين ومسافرين وأنا خلصت جامعة وكنت عايشة مع خالتى وورثي بإسمى فى البنك بعد ما خلصت الجامعة واتعرفت على شخص أكبر منى بسنتين وبدأت بينا علاقة عاطفية وطلب أيدى للجواز لكن لما قابل خالتى وعمامى أكدوا ليا أنه متجوزنى عشان الفلوس وأنه شكل طماع، لكن مصدقتش حد والحب غمض عيونى عن عيوبه اللى أكتشفتها بسرعة بعد ما بقينا فى بيت واحد .

رفع دعوى خلع

وتابعت الزوجة حديثها، " بعد الجواز بشهرين بدأ يرسم قدامى فى مشاريع وأنه محتاج سيولة بس سلف منى وبمجرد شهرين أو ثلاثة من المشروع هيرجعهم، وصدقت فى الأول وقولت مش مشكلة أنى أقف جنب جوزى لكن أكتشفت أنه اخد الفلوس وصرفها ولا عمل مشروع ولا غيره، واتكرر الحوار مرة تانى وكان المبلغ كبير وفعلا احد الفلوس ولا عمل حاجة لحد ما قررت لو طلب منى فلوس مش هدفع مليم، وفعلا طلب ولما رفضت اتفأجت بأسلوبه الهجمى وتهديده ليا بصورنا فى أوضة النوم وكمان حاطط كاميرات فيديو بيصور العلاقة الزوجية .

وأختتمت حديثها، حسيت قد أيه كنت غبية لما وافقت اتجوز واحد بالشكل دا وقررت أحكى لأهلى اللى واقفوا معايا وساعدونى أرفع دعوى خلع بمحكمة الأسرة وحررت له محضر بالقسم فى واقعة التهديد وازالت الدعوى منظورة أمام القضاء .

 

تابع موقع تحيا مصر علي