محمد رمضان: مهاجميني بيدوني حافز وباعد ولادي عن السوشيال ميديا

أعرب الفنان المصري محمد رمضان عن سعادته بحصوله على جائزة النجم العربي الأكثر جماهيرية في مهرجان الموريكس دور بدورته الـ 22، موجهًا رسالة لمهاجميه.

تحيا مصر يرصد رسالة محمد رمضان لمهاجميه. 

محمد رمضان يوجه رسالة لمهاجميه 

وقال محمد رمضان في تصريحات تلفزيونية: سعيد بتكريمي في الموريكس دور بدورته الـ 22 لأنه مهرجان عريق، وأنا شايف إن إلغاء حفلاتي والحروب والمعوقات هي ضريبة النجاح، وأنا هتخطاها بـ حب جمهوري ليا وبنجاحاتي وأنا متعود على دا من بدايتي في مجال الفن.

وأضاف رمضان: بقول لكل شخص مقهور مني ولمن يهاجمني ربنا يوفقك وخليك زي ما أنت لأنك بتديني حافز وبتشارك في نجاحي وأنتم حافز ليا أنجح أكتر، وأنا ببعد ولادي عن السوشيال ميديا ومانعهم عنها وهما مركزين في دراستهم حاليا. 

آخر أعمال محمد رمضان الغنائية

جدير بالذكر أن آخر أعمال الفنان محمد رمضان الغنائية «دوشة» وهي من كلمات وألحان فريق الباور العالي، وتنفيذ شركة شو ميديا برودكشن، ومن إخراج محمد سمير.

كلمات أغنية دوشة محمد رمضان

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة

دو دو دو دو دوشة
طلبت معايا اني اعمل دوشة
دو دو دو دو دوشة
طلبت معايا اني اعمل دوشة

وانا رايح اجيب العربية
راكنها بعيد اصلي شوية
حاسس بخيال وبمرازية
ودماغي مش فايقة الليلة دية
عايزك تنساني وتلاشاني
مثبوت في بطاقتي انا عنواني
مش حمل انتوا الوش التاني
تلاشاني عشان انا كده هعمل دوشة

دو دو دو دو دوشة
تلاشاني عشان انا كده هعمل دوشة
دو دو دو دو دوشة

تلاشاني عشان انا كده هعمل دوشة
بقصف الجبهه وبقولك تروق
امك بتصرف عشان الـ View
مجرد ما تفكر بكون جبت جول
استنى معايا تليفون

الو
قفشت الفيراري وخمست في عطارد
دي مش دلقة قهوة دي دماغه اللي طارت
افكاري بتنحت في دماغه ف فارت
وطول مانا ثابت انا هعمل دوشة

دو دو دو دو دوشة
وطول مانا ثابت انا هعمل دوشة
دو دو دو دو دوشة

تليفوني بيرن عندي حفلة
وميعاد طيارتي جه على غفلة
عيني مش مفتوحه كانت قافلة
وبدأت اسقط في الطافيه
مسطول وقفني هات سيجارة
ماترد تقولي ايه العبارة
رجالتي بتستني اشارة
ساعة التنفيذ نعمل دوشة

دو دو دو دو دوشة
ساعة التنفيذ نعمل دوشة
دو دو دو دو دوشة

صاحي ومش شايف قدامي
فين النضارة عيني تعباني
حاسس بصداع جوا دماغي
مع اني شارب اتنين قهوة
لا متخوتناش وبلاش روشة
ابعد عني دماغي انا قافشه
راكب عربيتي وبتمشى
طلبت معايا اني اعمل دوشة