ياسمين صبري تدعم شيرين عبد الوهاب: هتقومي منها.. والصدمات بتقوي مش بتكسر

دعمت الفنانة ياسمين صبري، الفنانة شيرين عبد الوهاب بعد أزمتها الأخيرة بكلمات تشجيعية، وذلك خلال لقائها ببرنامج “Et بالعربي”.

تحيا مصر يرصد لكم دعم ياسمين صبري للفنانة شيرين عبد الوهاب 

ياسمين صبري لـ شيرين عبد الوهاب: هتقومي منها.. وهتنوري تاني 

وقالت ياسمين صبري: بحبك جدًا يا شيرين، زيي زي ملايين الناس في الوطن العربي، شيرين مش بس صوت مصري دي كمان صوت عربي، أنا متأكدة إن دي وقعة وهتقوم منها، هي الحياة كدا أحيانًا بنقع ونقوم مفيش حد دايما بيجري، إحنا بنتخيل بس كدا.

وتابعت ياسمين صبري: أنا متأكدة إن المحطة الجاية في حياة شيرين عبد الوهاب فيها نجاح وازدهار، وهتكون بتنور، وهتكون  أحسن من ما كانت قبل كدا بكتير، وبشوف إن المشاكل والصدمات بتقوي مش بتكسر، وأنا متأكدة أن شيرين عبد الوهاب هتعمل كدا.

المشاهير تدعم شيرين عبد الوهاب

دعم الفنان تامر حبيب، الفنانة شيرين عبد الوهاب، بعد أزمتها خلال الأيام الماضية، وذلك عبر حسابه الرسمي بموقع التواصل الإجتماعي فيسبوك.

وكتب تامر حبيب عبر فيسبوك: شيرين عبد الوهاب واحدة من اهم الاصوات اللي غنت بالعربي في العالم كله.

وتابع حبيب: تعالوا نتمنالها تخرج من محنة صعبة هي بتمر بيها.. ونرحم من في الارض علشان يرحمنا من في السماء.

وقد وجه المخرج وليد منصور رسالة دعم للفنانة شيرين عبد الوهاب، وذلك عبر حسابه الرسمي بموقع التواصل الإجتماعي فيسبوك.

وكتب وليد منصور عبر فيسبوك: عن أم كلثوم العصر الجديد اتحدث.. شيرين هترجع اقوي من الاول وبدل ما بنتكلم عنها  ندعي ليها تعدي محنتها دي واي ابتلاء ده من عند ربنا علشان بيحب عبده وعاوزه يكون في احسن حال.

وأردف عن محمد شقيق شيرين: وبعيد عن كل حاجه واي حاجه، ومحمد اخو شرين  انسان جدع وابن بلد قوي.. نسيب شرين في حالها وندعي ليها.

أخر بيان لياسر قنطوش عن شيرين عبد الوهاب 

ويذكر أن أكد السيد المحامي ياسر قنطوش، محامي المطربة شيرين عبد الوهاب على أنه سيتقدم بطلب لسيادة المستشار النائب العام بمنع نشر أي أنباء تخص قضية الفنانة إلى أن تنتهي التحقيقات، وذلك من خلال بيان صحفي له.