سمية الخشاب لـ جمهور شيرين عبد الوهاب: "دعمكم هيفرق معاها وهترجع تلعلع"

خرجت الفنانة سمية الخشاب لتوجه رسالة لـ جمهور الفنانة شيرين عبد الوهاب، تطلب منهم دعم الفنانة كي تعود لحياتها الطبيعية مرة أخرى وتبهر الجمهور بصوتها.

تحيا مصر يرصد في ذلك التقرير رسالة سمية الخشاب لـ جمهور شيرين عبد الوهاب

سمية الخشاب تطلب من جمهور شيرين عبد الوهاب دعمها

قالت سمية الخشاب خلال لقائها ببرنامج ET بالعربي: “مفيش حد مبيمرش بظروف صعبة في حياته، ةبطلب من جمهورها انه يدعمها زي ما دعموني يوم وفاة مامتي وخلوني قدرت اتغلب على حالة الحزن وأنزل اشتغل، حقيقي دعمهم بيفرق معانا".

وتابعت حديثها، قائلة: “بطلب منهم ادعموها بتعليقاتكم الحلوة وانها ترجع اقوى واحلى من الأول محدش معندوش مشاكل ولا عنده صدمات أو تحصله ظروف قهرية في حياته كلنا معرضين لده عادي جدا وبنقوم ونقف تاني على رجلينا وبنكمل حياتنا لأان الحياة لازم تستمر”.

سمية الخشاب عن شيرين عبد الوهاب: زعلانة عشانها وتستاهل تبقى أحسن

واختتمت سمية الخشاب حديثها، مشيدة بـ شيرين عبد الوهاب، فقالت: “شيرين عبد الوهاب طيبة وجدعة، وأنا بحبها اوي وزعلانة عشانها وهي تستاهل تبقى احسن حاجة فانشاءالله ترجع تاني تلعلع”.

رسائل سمية الخشاب لـ شيرين عبد الوهاب

وسبق، وأن وجهت سمية الخشاب رسالة لـ شيرين عبد الوهاب ، عبر حسابها الرسمي بموقع التديونات القصيرة “تويتر”، قالت فيها: “حبيبتي شيرين، ربنا يقويكي، حاسه بيكي وعارفه انتي بتمري بايه اكتر من اي حد، ربنا يقومك بالسلامه عشان اللي مريتي بيه في السنين الاخيره مفيش بني ادم يقدر يستحمله، طيبة القلب ساعات بتبقي ابتلاء اكتر من انها نعمة”.

سمية الخشاب تتألق في مسريحة كازينو بديعة

هذا واستطاعت الفنانة سمية الخشاب، أن تعود للمسرح من خلال “كازينو بديعة”، التي قالت عنها: “ أنا سعيدة إني ضمن هذه المنظمة، واشتقت للمسرح ورد الفعل الفوري من الجمهور أمامي، والمسرح أصعب أنواع الفنون وأرقاها، وسعيدة بالعودة له مع المؤلف أحمد الإبياري، وأنا مقرأتش المسرحية ومضيت على طول، أنا بشكر شركة الإنتاج، وسعيدة بأجواء المسرحية وأن البروفات ممتعة أوي، ودايما البروفات بتسهل علينا الحركة والحفظ”.