أنا ضد الجواز ومراتي مظلومة أكتر مني.. أبرز تصريحات ميدو عادل في "وشوشة"

حل الفنان محمد عادل الشهير بـ “ميدو عادل” ضيفًا مساء يوم الخميس في برنامج “وشوشة” الذي يذاع على شاشة تلفزيون قناة “النهار”، وأثناء الحلقة تحدث ميدو عادل عن الكثير من الأمور التي تخص حياته الشخصية والفنية أيضًا، وفي ذلك التقرير سيرصد موقع تحيا مصر أبرز تصريحاته في الحلقة.

أبرز تصريحات محمد عادل في “وشوشة”

ـ أنا متجوز وبقول إني ضد الجواز، لأن الجواز مسؤولية كبيرة

ـ إحنا كل جيل الثمانينات أتربى سيكولوجيًا غلط

ـ قبل ما تجوزني وأشيل بيت أنا محتاج إني أكون قد المسؤولية أصلًا ماديًا ومعنويًا

ـ أنا مراتي مظلومة أكتر مني، هي اللي طالع عنيها مع الأولاد

ـ وجزء كبير من أحلامها بيموت علشان الأولاد

ـ إن يكون عندي أطفال وأعرف أربيهم لازم أكون شخص صالح وسوي

ـ الفن أعظم حاجة ربنا خلقها في الدنيا، أنا أبويا وأمي ممثلين مسرح

ـ أنا بمثل وفاطمة أختي من وأنا عندي 3 سنين، أنا أتعلمت أحبي على المسرح

ـ إخواتي بيمثلوا، ومراتي زميلتي من المعهد، وأتمنى بناتي يبقوا فنانين

ـ بناتي عندهم ميول للفن، ولكن أنا بحاول أخليهم يتعلموا ويلعبوا رياضة

ـ بناتي مبيحبوش يتفرجوا عليا كتير، بيخافوا لأنهم بيتأثروا جدًا

ـ بنتي الكبيرة حياة بتتناقش كتير في أعمالي

تصريحات سابقة لـ محمد عادل عن الزواج

ومن الجدير بالذكر أن الفنان محمد عادل أوضح في لقاء تلفزيوني سابق له، أن عمره 36 سنة وأكبر أولاده عمرها 9 سنين، لافتًا إلى أن الزواج مسئولية أكبر من أي شيء، بجانب وجود نسبة طلاق كبيرة بسبب عدم القدرة على تحمل المسئولية.

وقال: “لو رجع بيا الزمن مش هتجوز أصلا معلش مراتي هتشد في شعرها، بقول إن الجواز بيضر الست أكتر من الراجل في مجتمعنا عشان الست بيكون عندها أحلام بتموت مع الأيام وأختي حنان بأجلها جوازها كل فترة عشان تحقق نفسها”.

وأضاف: “وهي بتدرس فنون مسرحية حاليا، وأنا أبو البنات مبزعلش من اللقب ده وأنا ابن أمي عشان كنت الولد الوحيد، وعلاقتي بيها كويس، بنصح أي حد قبل ما يجي يتجوزيعرف نفسه عشان المسئولية مادية ونفسية، دي مسئولية مش سهلة”.