مصطفى كامل لـ مطربي المهرجانات: لازم تشغل وراك فرقة موسيقية.. واللي مش عاجبه يبقى مش مننا

أكد الفنان مصطفى كامل نقيب الموسيقيين الحالي على أنه لن يكون أي مطرب مهرجان عضوًا في النقابة إلا إذا استعان بفرقة موسيقية من الموسيقيين في حفلاته.

تحيا مصر يرصد تصريحات مصطفى كامل في اجتماع النقابة

حيث قال مصطفى كامل في اجتماع نقابة الموسيقيين اليوم لتحديد مصير مطربي المهرجانات: “من أهم بنود اللائحة عندنا أن كل من يغني يشغل وراه فرقة موسيقية.. لازم تشغلي أعضاء.. هتلعب تراكة يبقى وراك فرقة موسيقية واللي بيغني غربي هيجيبلي عازفين غربي واللي بيغني شرقي هيجيبلي عازفين شرقي”.

مصطفى كامل والمهرجانات

وتابع مصطفى كامل حديثه قائلًا: “واللي مش عاجبه يكون عضو عندنا بلوائح النقابة وقوانين الدول يقولي أنا مش موافق وأنا بردو بشكره وبقوله أنت مش مننا.. أنا هقعد هنا هطبق القانون واللايحة وهطبق روح القانون والإنسانيات كإخوات”.

اجتماع نقابة الموسيقيين

بدأ منذ قليل مؤتمر مصطفى كامل، نقيب المهن الموسيقية، وذلك  بمقر نقابة المهن الموسيقية بوسط البلد وبحضور أعضاء مجلس إدارة النقابة وجميع مطربي المهرجانات للإعلان عن قرارات النقابة  بشأن ملف المهرجانات  فى حضور  وسائل الإعلام.

وقال مصطفى كامل خلال المؤتمر عن قراره لـ مطربي المهرجانات: “هيكون في احترام لبلدنا واحترام للجيل اللي طالع، مفيش رشاوي ومحدش يدفع غير إصالة النقابة”.

مصطفى كامل ومطربي المهرجانات

وجدير بالذكر، أنه تحدث مصطفى كامل عن أغاني المهرجانات، فقال: “المستوى المتدني دخل بيوتنا ولو قولت اني هقدر اوقفه ابقى بكدب، أنا بتجنن أما بلاقي ولادي بيجوا يغنوا الكلمات دي، والفن المتدني نوع من المخدرات، ووجعي كان وجع راجل بيجري على ولاده”.

وتابع: “اي اي انتش وأجري وشقلطوني في بحر بيرة والجو ده، زعلان على اللي وصله الفن المصري، : قررت انه ميكونش فيه حاجة اسمها مهرجانات ومحدش يقولي بقطع عيش حد، انا اجتمعت مع ناس تانية يقولي رأيهم عشان مبقاش بقرر لوحدي”.

حمو بيكا يدعم صاحب واقعة كشري التحرير

من ناحية أخرى، كان قد خرج حمو بيكا في الساعات القليلة الماضية لـ يدعم صاحب واقعة كشري التحرير، اذ شارك صورته عبر حسابه الرسمي بموقع التواصل الإجتماعي “فيسبوك”، وعلق عليها، قائلا: “محمد الجدع.. و ياريت يكون ده اسم شهرتك في الدنيا بعد كده”.