أحمد العوضي يرد على منتقدي تصويره لـ عامل النظافة: "كنت عايز أطلعه منصور"

خرج الفنان أحمد العوضي، لـ يرد على منتقدي تصويره لـ عامل النظاف، صاحب واقعة كشري التحرير، من خلال فيديو نشره عبر حسابه الرسمي بموقع التواصل الإجتماعي فيسبوك.

تحيا مصر يرصد في ذلك التقرير رد أحمد العوضي على منتقدي تصوير لـ عامل النظافو

أحمد العوضي لـ منتقديه: أنا مورتكوش اديته كام ولا عملتله اي

قال أحمد العوضي خلال الفيديو:  “الناس اللي بتقول ده شو وصورت الراجل والكلام دا.. لو أخوك عنده مشكلة في الشارع بتجيب حقه قدام الناس.. في المكان اللي اتعمل عليه نمرة فيه.. اللي بينك وبين ربنا الصدقة.. أنا مورتكش اديته كام ولا عملت له إيه”.

أحمد العوضي عن صاحب واقعة كشري التحرير: اتكسر قدام الناس فحقي أطلعه منصور

وتابع حديثه، قائلا: “أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر، الراجل اتكسر قدام الناس، فحقي اطلعه منصور قدام الناس برضوا.. ده من حقي ودوري لو ربنا مديني شُهرة أني استخدمها.. ربنا إداني الشهرة لسبب وبستخدمها في السبب اللي يرضي ربنا.. ودي حاجة بيني وبين ربنا.. اوعى تفتش في النوايا.. أنت مش قاضي في الأرض".

أحمد العوضي: أنا راجل ابن شارع وهفضل أراضي خلق الله

وأضاف: كل الموضوع أني نزلت بوست لا صورته ولا حاجة، لأن أنا راجل ابن شارع.. أنا قاعد في الشارع طول عمري، وهفضل في الشارع وهفضل أراضي في خلق الله.. دي حاجة بيني وبين ربنا،  لما قابلت الراجل.. قُلت له هناكل أنا وأنت في طبق واحد، لأن كلنا واحد وولاد تسعة.. أنا مبسطها.. الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة.. اللي أسعد الراجل أنه حس أنه منصور ولقى شغل.

واختتم حديثه برساله لـ منتقديه، قال فيها: “ياعم قلدني.. دي حاجة كبيرة أنك تفتح له باب رزق، وأنا ربنا جعلني سبب لوظيفته الجديدة، أنا مش ناقص شهرة، بس بصدر لك حاجة كويسة.. لو عايز تقلدني قلدني أنك تجبر خاطر الناس، وربنا يقدرنا على فعل الخيرر”.

جدل أحمد العوضي وويجز

يذكر، أن الجمهور تنبأ بخلاف حاد بين مطرب الراب ويجز والفنان أحمد العوضي، عندما كتب الأول عبر صفحته بموقع تبادل الصور والفيديوهات انستجرام، منشور قال فيه: "لما تعمل حاجة كويسة لحد متبقاش مرائي وتتاجر بقد إيه إنت بتحب تعمل خير.. اعمل وارمي في البحر وبدل ما تاخد نصيبك من شكر الناس ربنا يكرمك من فضله، بقينا في حاجة منتهى الصورني وأنا بعمل خير.. يع”.