بعد وصفه بالجاهل.. صبري فواز لـ مصطفى كامل: أنا مسامحك عشان القرارات الحلوة دي.. قشطة يابا؟

تراجع الفنان صبري فواز عن هجومه على قرارات نقابة المهن الموسيقية بشأن مطربي المهرجانات، وذلك بعد الخلاف الذي حدث بينه وبين مصطفى كامل.

تحيا مصر يرصد لكم تراجع الفنان صبري فواز عن الجهوم على نقابة المهن الموسيقية

وعلق صبري على قرارات نقابة المهن الموسيقية الجديدة بشأن مطربي المهرجانات موضحًا أنها قرارات صحيح وتساعد على احتواء مطربي المهرجانات.

صبري فواز: القرارات اللي طلعت من النقابة حاجة كويسة جدا 

وكتب صبري عبر حسابه بموقع التواصل الاجتماعي فيسبوك: على فكرة .. القرارات اللي طلعت من نقابة المهن الموسيقية النهارده، حاجة كويسة جدا .. أنك تستوعب كل مؤدي المهرجانات و تعمل لهم شعبة في النقابة _أيا كان اسمها مش مهم الإسم_ و يدفعوا اشتراكات و رسوم هاتفيد النقابة وأعضائها.

وتابع: دا غير انك هاتشغل مع كل واحد منهم مجموعة من العازفين من أعضاء النقابة، وده هيفيد العازفين وهيطور أداء مغنيين المهرجانات.

صبري فواز: كان غرضي أقول إن المنع لا يفيد النقابة 

واستكمل: ده كان الغرض من البوست اللي عمل دوشة .. أنه المنع لا يفيد لا النقابة ولا المغنيين و آدينا شفنا بعينينا ان المنع ما قدرش يحجب (حاجة) زي أنتش و اجري من الانتشار .

واستطرد: يبقى ايه الطريق الأنسب ؟ الطريق الأنسب هو اللي النقابة عملته ده برافو بجد.. و بالتوفيق للجميع.

صبري فواز: مسامح مصطفى كامل رغم أنه قال عليا جاهل

واختتم: و لو أن النقيب قال عليا جاهل في أحد البرامج .. بس انا مسامح عشان القرارات الحلوة دي.. قشطة يابا؟

صبري فواز يسخر من مصطفى كامل

وكان الفنان صبري فواز سخر من مصطفى كامل نقيب المهن الموسيقية بعد تصريحاته ضد المهرجانات وقيامه بوقف تصاريح مطربي المهرجانات بشكل مؤقت، ونشر صبري بوست عبر حسابه الشخصي بموقع التواصل الاجتماعي فيسبوك وكتب: عاوزين حد متخصص من نقابة المهن الموسيقية يفهمنا ويعلمنا ايه الفرق بين المهرجانات وأغنية قشطة يابا.

مصطفى كامل يشن هجومًا على صبري فواز

وقام مصطفى كامل بالرد على سخرية صبري فواز منه وقال: سخرية من قشطة يابا جهل منه لأنه فاضي، إنت مالك يا صبري يا فواز، أنا جيبت حق مصر ليك ولأولادك، وسأقوم باكتشاف المواهب من خلال قواعد وضوابط نقابة المهن الموسيقية.