بعد صاحب واقعة محل كشري التحرير.. أحمد العوضي يطلب لقاء حالة إنسانية جديدة

حرص الفنان أحمد العوضي على دعم حالة إنسانية جديدة، بعدما قدم يد المساعدة لـ صاحب واقعة محل كشري التحرير، حيث نشر أحد مستخدمي تطبيق التيك توك مقطع فيديو له يطالب فيه المساعدة من السيد الرئيس باكيًا.

تحيا مصر يرصد تفاصيل مساعدة أحمد العوضي لـ حالة إنسانية جديدة

ومن جانبه قام الفنان أحمد العوضي بمشاركة الفيديو عبر حسابه الشخصي على موقع التواصل الاجتماعي فيسبوك، وعلق عليه قائلًا: "دموعك غالية .. أنا معنديش حساب توكتوك فمعرفش اوصلك فحد يوصلني بالراجل ده دموع الرجال غالية".

أحمد العوضي يدعم صاحب واقعة محل كشري التحرير

وكان النجم أحمد العوضي قد حرص على تقديم الدعم لـ عامل النظافة صاحب واقعة محل كشري التحرير، حيث نشر العوضي صورة برفقة محمد صاحب واقعة كشري التحرير، وعلق: “مع محمد اخويا”.

أحمد العوضي يتعرض للانتقادات

ومن جانبه، خرج الفنان أحمد العوضي، لـ يرد على منتقدي تصويره لـ عامل النظاف، صاحب واقعة كشري التحرير، من خلال فيديو نشره عبر حسابه الرسمي بموقع التواصل الإجتماعي فيسبوك.

قال أحمد العوضي خلال الفيديو:  “الناس اللي بتقول ده شو وصورت الراجل والكلام دا.. لو أخوك عنده مشكلة في الشارع بتجيب حقه قدام الناس.. في المكان اللي اتعمل عليه نمرة فيه.. اللي بينك وبين ربنا الصدقة.. أنا مورتكش اديته كام ولا عملت له إيه”.

أحمد العوضي يرد على منتقديه

وتابع حديثه، قائلا: “أنا جبرت بخاطره، لأن مَن صار بين الناس جابرًا للخواطر أدركه الله في جوف المخاطر، الراجل اتكسر قدام الناس، فحقي اطلعه منصور قدام الناس برضوا.. ده من حقي ودوري لو ربنا مديني شُهرة أني استخدمها.. ربنا إداني الشهرة لسبب وبستخدمها في السبب اللي يرضي ربنا.. ودي حاجة بيني وبين ربنا.. اوعى تفتش في النوايا.. أنت مش قاضي في الأرض".

واستطرد: “كل الموضوع أني نزلت بوست لا صورته ولا حاجة، لأن أنا راجل ابن شارع.. أنا قاعد في الشارع طول عمري، وهفضل في الشارع وهفضل أراضي في خلق الله.. دي حاجة بيني وبين ربنا،  لما قابلت الراجل.. قُلت له هناكل أنا وأنت في طبق واحد، لأن كلنا واحد وولاد تسعة.. أنا مبسطها.. الدنيا مش كلها اللي أنت شوفته.. أنت أخويا وكلنا ولاد آدم، واللي عملته مش مقصود بيه شو ولا أي حاجة.. اللي أسعد الراجل أنه حس أنه منصور ولقى شغل”.