فريق واما: أصواتنا كانت متكاملة جدًا وأغنية بنتهرب كانت لمسلسل

حل فريق واما ضيوفًا عبر برنامج أنغام التي تُقدمه أنغام عبر قناة دي أم سي يومي الخميس والجمعة من كل أسبوع، وكشف أعضاء الفريق عن بدايتهم في الغناء وكواليس أغنية بنتهرب.

تحيا مصر يرصد لكم تصريحات فريق واما في برنامج أنغام

وقال أحمد فهمي عضو فريق واما: كان عندي مادة في دراسات عُليا اسمها دراسات إلكترونية ومكنتش بحضر ولقيت في إمتحان إني أقوم بتأليف مزيكا إلكترونية، ومكتبتش حاجة في الورقة والدكتور قالي أنت مش كاتب حاجة ليه قولتله أنا مألف موسيقى للمكان ده زي الأصوات اخارحية والكلاكس العربيات والأصوات وأعجب جدًا بيها وخدت الدرجة النهائية.

واما يكشفوا عن انشائهم للفريق

وكشف فريق واما عن فكرة انشائهم للفريق وقال محمد نور: أنا وأحمد فهمي عملنا أغاني لينا وكنا بنبعها للفنانين وقولنا طيب ما نغني احنا، وأقتراحنا عى نادر ينضم لينا.

وقال أحمد شامي: لما اتجمعنا أاحنا الأربعة الطبقات الصوتيه بتاعتنا كانت لايقه على بعضها  وكنا متكاملين جدًا.

وأضاف شامي: احنا كنا عايزين نعمل أغاني مختلفة عن اللي كانت موجودة في الوقت الحالي ولما قولنا هنغني قولنا هنغني بشكل مختلف غير اللي متعودين عليه.

كواليس أغنية بنتهرب

كما كشف فريق واما عن كواليس أغنية بنتهرب وأوضحوا: أغنية بنتهرب كانت هتتعمل لمسلسل وفضلت مركونة وكانت من ألحان الفنان تامر عاشور، ولما سمعنا الأغنية كلمنا نادر عبدالله وقولتله أنا عايز الأغنية هي موجودة.

وقال حمدي: كنت عايز أتجنن فيها في التوزيع وأعملها بشكل مختلف وكنت قلقان وأنا بسمع فهمي وشامي ومحمد نور الأغنية ولكن عجبتهم جدًا.

كلمات أغنية بنتهرب

بنتهرب وبنقاوح وبنجرب
عشان ننسى وفي الآخر بنتوتر
بنتهرب وكل نهاية ما تقرب
بنتلكك فنتمسك ببعض أكثر
بنستبيع عشان نبعد فنتوجع
وندعي الوقت لو بينا يفوت أبطىء
بنتوهم وساعة البعد بنسهم
ما حدش فينا ساعة الجد جاب منطق
ما حدش فينا بيوافق يودع ولا يتودع
فكل ما نيجي نتفارق بنحضن بعض وندمع
ونتهرب

بنتظاهر بحاجة مش فينا والظاهر
هنختار بعض لو جه الوقت نتخير
وده بيثبت بأنه مفيش ولو نسبة
واحد في الألف إن إحنا هنتغير
ومع ذلك ساعات ما بجيش على بالك
وأنا بنسى ساعات إن إنت عايشة لي
ومع ذلك أنا وبس اللي أبقا لك
وعارف برضو إن إنت اللي باقية لي
ما حدش فينا بيوافق يودع ولا يتودع
فكل ما نيجي نتفارق بنحضن بعض وندمع
ونتهرب