مروة صبري عن هيفاء وهبي: طول الوقت الرجالة بيفرجوا ستاتهم عليها

خرجت الاعلامية مروة صبري لتدافع عن الفنانة هيفاء وهبي، وذلك بعد تعرضها للتنمر والسخرية بسبب ظهورها في مجموعة صور متداولها من حفلها بموسم الرياض السعوي بتجاعيد ملأت وجهها.

تحيا مصر يرصد في ذلك التقرير دفاع مروة صبري أن الفنانة هيفاء وهبي

مروة صبري عن هيفاء وهبي: مشوفتش في جمالها

وقالت مروة صبري خلال برنامجها "قعدة ستات": الرجالة طول الوقت يفرجوا ستاتهم على هيفاء وهبي ويقولولهم شوفوا هيفاء، دلوقت بقى هما اللي يفرجوا رجالتهم ويقولولهم هي دي هيفاء؟ على فكرة أنا قابلت هيفاء في الساحل ومشفتش في جمالها الحقيقة قعدت اتأمل فيها ساعة واقول أيه الجمال ده ماشاء الله وشها وجسمها مفيهمش غلطة".

واختمت: أكيد حد وصى عليها عشان يصورها من الزاوية الوحشة والضلمة دي ويطلعها بالشكل ده، جربوا بنفسكم تتصوروا صورة بدون إضاءة وشوفوا شكلكم هتطلعوا ازاي.

نجوم الفن والاعلام يدعمون هيفاء وهبي

لم تكن مروة صبري الأولى حيث خرج عدد كبير من نجوم الفن والاعلام يدافعون عن الفنانة، فقالت الإعلامية ياسمين عز: الست في الحقيقة فلقة قمر، وعندها جمال الشكل والروح والكاريزما، كلمني عن الأدب وهي بتتكلم، عن الثقة بالنفس والاحترام في ردها على الصحافة، أو كلمني عن الرزانة ولغة الجسد المظبوطة وحركتها على المسرح، وطلتها المحتشمة لكن في نفس الوقت حلوة وفيها جاذبية، هي ما شاء الله القالب غالب وجسمها لبيس، في ثوابت مينفعش نخبط فيها، منها هيفاء وهبي وجمالها، الست دي أمها مصرية سمراء جذابة روحها حلوة، وأبوها لبناني أشقر عيونه خضرا وحاجة أجنبية، الخلطة دي طلعت حاجة اسمها هيفاء وهبي.

في حين قال عنها محمود المهدي طليق الفنانة منة عرفة: كمية تنمر على شكلها من امبارح مش طبيعية كلنا هنوصل السن ده وتجاعيد وشنا هتبان وهنكبر، وفي مننا وصل لكده من الهم والتعب والمرض وأهلنا وصلوا لكده دي سنة الحياة والبنات الكتير اللي بتتنمر عليها دلوقتي هيبان على اغلبكم بدري لإنه هيكون بعضهم مش معاها تعمل عمليات تجميل، اللي بيفضل روح الشخص ياجماعة عمرها ما كانت بالشكل ودائمًا الناس اللي بتختار الشكل ومبيفرقش معاها الروح بتخسر في الأخر، بقينا بنهتم بالمظاهر ونسينا المضمون زي ناس كتير بتلبس ماركات ولبس نضيف ومن جواها ماتتعاشرش.

اخر اعمل هيفاء وهبي

يذكر، أنه يعرض الفنانة هيفاء وهبي خلال الفترة الحالية فيلم تسليم أهالي إلى جانب كبل من النجوم أحمد الفيشاوى ومصطفى خاطر وأروى جودة وعباس أبو الحسن وعدد من ضيوف الشرف منهم باسم سمرة، وتدور أحداث الفيلم فى إطار من الأكشن والمغامرات، قصة كريم فاروق وسيناريو وحوار أمين جمال ومحمد أبو السعد وشريف يسرى، وإخراج محمد حماقي.