بهاء سلطان: أنا غلطان اتعملت 2012.. وأنغام ترد: يارتني كنت سمعتها قبلك

تحدث الفنان بهاء سلطان عن أغنية أنا غلطان والتي حققت نجاحًا كبيرًا، كما كشفت أنغام أنها كانت تحقد عليا بسبب هذه الأغنية.

تحيا مصر يرصد لكم تصريحات بهاء سلطان

وقال بهاء سلطان خلال استضافته في برنامج أنغام الذي يُعرض عبر قناة دي أم سي وتقدمه الفنانة أنغام: محمد رحيم عملي كذا أغنية وكان تلحين حلو بس إي ملحن بشتغل معاه بيسيب الأغنية أقولها بطريقتي أنا ويكمل ويقولي نظبطها وكانوا بيسهلوها عليا وكنت بحاول اقول اللحن المظبوط. وأضاف: مش بحب أحكم رأيي في حاجة وأنا مش بقعد أذاكر وأحفظ الأغاني كتير.. أنا بروح أسجل على طول وبذاكر النهاية والقفله بس مش أكتر وزي ما بيجي الأحساس بعمله.

بهاء سلطان: أغنية أنا غلطان اتعملت من 2012 

وكشف بهاء سلطان أن أغنية أنا غلطان تم كتابتها منذ عام 2012 ولكن لن يقوم بطرحها وقال: الأغنية مكنتش سهلة عليا ومكنتش متخيل رد الفعل يكون كبير أوي عليها وأنا ببقى محظوظ مع عزيز الشافعي.

أغام تحقد على بهاء سلطان بسبب أغنية أنا غلطان

وكشفت أنغام أنها كانت تتمنى أن تُقدم هي أغنية أنا غلطان بدلًا من بهاء وكانت تحقد عليه وقالت:أنا من فترة كلمت عزيز الشافعي من وراك وقولتله أنا غيرانه من بهاء بسبب أغنية انا غلطان.. أنا ليه مسمعتهاش قبل بهاء والأغنية حلوة جدًا.

كلمات أغنية أنا غلطان

وأنا غلطان
عشان حبيت وبينت إهتمامي بيك
عشان كده يعني بقيت منفعش
ومن نظرك نزلت مابقيتش لايق ليك
وكان مفروض محبكش
ولو حبيت مابينش
ودلوقتي خلاص همشي
أنا وقلبي اللي دايب فيك
وليه طيب، عشان طيب؟
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
وليه طيب؟ (طيب) عشان طيب؟ (آه)
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
بتخسر حب مش سهل تلاقيه تاني
مفيش أسباب
أنا اللي اخترت من الأول أعيش في عذاب
ألومك ليه، وأقولك إيه
ما أنا اللي جريت ورا وهم وطلع كداب
تعبت كتير وبتألم، يا رب أفوق وأتعلم
ومن بكرة أنا وإنت هنتقابل ولا الأغراب
وليه طيب؟ عشان طيب؟
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
وليه طيب؟ (طيب) عشان طيب؟ (ليه)
عشان يعني اللي في قلبي على لساني
بتكسرني وتخسرني
بتخسر حب مش سهل تلاقيه تاني
بتخسر حب مش سهل تلاقيه تاني