سحر رامي: بستخدم مصطلح مشي بدل من توفى على حسين وهموت وأنا حرمه

كشفت الفنانة سحر رامي عن سبب استخدامها وصف مشي بدلًا من توفى عند الحديث عن زوجها الراحل حسين الإمام، وذلك خلال استضافتها في برنامج كلام الناس التي تُقدمه الإعلامية ياسمين عز ويُعرض عبر قناة أم بي سي مصر.

تحيا مصر يرصد لكم تصريحات سحر رامي عن زوجها حسين الإمام

وقالت: بستخدم مصطلح مشي مش توفى عشان أنا مش هقدر أقول أنه مات لحد أنهاردة وبفضل ساعات بقوله أنت فين سايبنا ليه تعالى ولكن أنا حاسه إنه في مكان تاني لكن أنا احساسي أنه مشي شوية وهنتقابل وهو موجود معايا دايمًا، وأنا عندي إحساس أنه هيرجع.

وتابعت: بيوحشني جدًا ومفتقداه وحاسه أن اللي حصل ده أمبارح ومش هيروح وهفضل مفتقداه طول عمري والدنيا بتمشي والولاد بيكبروا.

سحر رامي: هموت وأنا حرم حسين الإمام

وعن سبب رفضها للزواج من بعده قالت: أنا اتجوزت حسين الإمام ولما هموت هيكون وأنا حرم حسين الإمام والموضوع مش موجود أنا مشوفتش واحدة اتجوزت على جوزها وأنا بعتبر نفسي لسه متجوزة. 

وأضافت: أنا كنت مقررة مع نفسي إني هتجوز مرة واحدة بس واحب مرة واحدة وكنت بتمناه وحققته كنت مقررة لما اتجوز مش هطلق ولو حصل مكنتش هكرر التجربة دي ومش عايزة في حياتي غير قصه واحدة وكنت اتمنى أنه يكمل معايا طبعًا.

سحر رامي تكشف قصة الحب بينها وبين حسين الإمام

وكشفت سحر خلال استضافتها في برنامج كلام الناس الذي تُقدمه الإعلامية ياسمين عز عبر قناة أم بي سي مصرعن قصة الح التي نشات بينهما وقالت: كنت عاملة إعلان اسمه العقد والشراشيب وكان مكسر مصر ومفيش حد يعرف أنا مين  وحسين شاف الإعلان وهو في بيته وباباه شافني وهو قال لباباه البت دي حلوة انا عايز اتجوزها، وفي الوقت ده كنت بعمل مسرحية قسمتي مع الأستاذ فؤاد المهندس على مسرح الزمالك وأولاد فؤاد المهندس كانوا صحاب حسين وقابلهم في النادي وجت سيرة الإعلان وقالهم أنا معجب بيها وهما قالولوا اسمها سحر رامي وبتعمل مع بابا مسرحية وجم مسرح الزمالك وطلعوا في الكواليس وسلكت عليهم و مكنتش اعرفهم وكان جاي مع بابا ومامته وسلموا عليا وحضروا العرض.

وأضافت: وهو جاب رقمي وكلمني وكنت بدأت أعمل  فوازير وهو قالي عندي فرقة وأنا مكنتش أعرفه فعلًا ومعرفش أن فيه فرق وكنت مشغولة في الباليه، هو قالي أحنا عايزين نسجل الأغاني بتاعتها نصورها وعايزينك معانا وانتي هترقصي معانا وبعتلي أوردر رسمي أمضي عليه وكان ساعتها بيعمل مسلسل في استديو  مصر وأداني معاد أروحله هناك وقعدت معاه وشرحلي أعمل إيه وبدأنا نتقابل وأروحله البيت  ونتعرف على بعض وكل شوية كان يأجل الشغل اللي بينا وفي الآخر حبينا بعض وأتجوزنا ونسينا نشتغل.