عاجل
الخميس 28 مارس 2024 الموافق 18 رمضان 1445
رئيس التحرير
عمرو الديب

عفرتو يعلن عن حفل جديد في لندن: الحلم اتحقق

عفرتو
عفرتو

أعلن مغني الراب عفرتو عن إحيائه حفلًا غنائيًا غدًا في لندن، وذلك عبر حسابه بموقع التواصل الإجتماعي فيسبوك. 

تحيا مصر يرصد لكم منشور عفرتو عبر فيسبوك

عفرتو: الحلم اتحقق 

وكتب عفرتو: انا وصلت لندن وحفلتنا فـ لندن بكرا تذاكرها خلصت.. الحلم اتحقق.

ويذكر، أن هاجم الرابر مولوتوف كلًا من عفرتو، ومروان موسى بعد حضورهم اجتماع النقابة، وذلك عبر حسابه الرسمي بموقع انستجرام.

مولوتوف يحذف تعاونه مع عفرتو من يوتيوب 

وكتب مولوتوف عبر خاصية ستوري بانستجرام: أنا شوفت ازاي في ناس من الفنانين هيتشلوا من اللي بيحصل وأنا واحد منهم.. ومعترضين على الرابرز اللي بيسلموا الفن وبيبيعوه بأرخص تمن، وبينشروا الجهل بين الشباب.

وتابع مولوتوف: وبناء على هذا تم حذف التعاون بيني وبين مروان موسى وعفرتو من اليوتيوب، ومش هيتم التعامل مع أي حد باع الفن تاني وهيكون في حملة كبيرة ضد كل الأنواع من الم**** سواء ان كان من الفنانين أو من غير الفنانين.

واختتم: الراب مش عن الفلوس والشهرة بس حرام عليكوا ضيعتونا.

عفرتو يعلق على اجتماع النقابة 

ويذكر، أن علق عفرتو على اجتماع النقابة الذي حضره قبل أيام قليلة بمجرد عودته منه، ووجه رسالة للفانز عبر حسابه الرسمي بانستجرام. 

وقال عفرتو عبر خاصية ستوري في انستجرام: عايز اقول شكرًا لأي حد دعمني، شكرًا لأي حد وقف جنبي بكلمة بأي حاجة، احنا الحمد لله رجعنا وكله تمام وأنا رجعت ودلوقتي أنا زي مانا مش موقوف ومفيش عليا غرامة، والموضوع كان سوء تفاهم ولما عرفوا إن أنا متبلغتش أجي المعاد عملولي التماس. 

وتابع عفرتو: وشكرًا لأستاذ  مصطفى كامل نقيب الموسيقيين، الراجل فهم واتقبل مننا وكل حاجة تمام دلوقتي، محدش بقى يكتب شتايم والحاجات دي عشان متوقفش تاني.

مصطفى كامل في اجتماع النقابة 

وقال النقيب مصطفى كامل خلال اجتماع النقابة المنعقد خلال الأيام الماضية: انتوا ولادنا.. لازم نحافظ إن ميبقاش في بطالة للعنصر الموسيقي، مش عايزين العنصر الموسيقي يبقى قاعد في البيت، إن انت تشغل تراك والتراك ده في مقبله بيحمل مزيكا، المزيكا دي المفروض اللي بيعزفها عازفين، حتى إن قل أعدادهم عن الحد الأقصى اللي كنا عاملينه للفنون الشرقية.

وتابع مصطفى كامل: إن احنا قولنا 12 ولكن في النهاية التراك اللي حضرتك بتغني عليه موجود عازفين، فـ هنضطر وكل العالم بيعاني من إن التحديث دايمًا بيخلي ناس كانت بتشتغل بتقعد، التحديث إنك تلاقي الإيد العاملة عمومًا بتقعد في بيتها، فـ هل حد يرضى كل الناس دي تقعد في البيت، إن احنا نأذي شعبة الموسيقيين.

تابع موقع تحيا مصر علي