سمية الخشاب: بلاش حد يقولي اي حاجة سلبية أنا خلقي ضيق

حرصت الفنانة سمية الخشاب كعادتها على تقديم مجموعة تصريحات لـ جمهورها عبر حسابها الرسمي بموقع التديونات القصيرة “تويتر".

تحيا مصر يرصد في ذلك التقرير رسائل سمية الخشاب للجمهور على تويتر

رسائل سمية الخشاب للجمهور على تويتر

وكان من بين تلك الرسائل: “مش عارفه ليه لما احكي لحد حاجه مضايقاني مثلا يقوللي طيب مانا كمان عندي وعندي، يعني لا نافع احكي ولا نافع اشيل جوايا الواحد تعب والله”.

وتابعت: “اللي بيقولك بص علي نص الكوبايه المليان ده هو اكتر شخص بيبص للنص الفارغ بس لازم يتفلسف وخلاص”.

سمية الخشاب للجمهور: انا خلقي ضيق

ووجهت رسالة أخرى للجمهور، قالت فيها: “انا مش من نوع الناس اللي بتشوف بلاوي الناس تهون عليها بلوتها، انا بشيل بلاويهم اكتر منهم فبليز بلاش حد يقوللي اي حاجه مش ايجابية".

وأضافت: أنا خلقي ضيق.

سمية الخشاب ومسرحية كازينو بديعة

من ناحية أخرى، تشارك الفنانة سمية الخشاب في مسرحية  كازينو بديعة، إلى جانب كلا من النجوم: احمد فتحي و ادوارد وعلاء مرسي إنجي وجدان، ، إيمي طلعت زكريا، علاء زينهم ،استعراضات عاطف عوض، وهي من تأليف أحمد الإبياري وإخراج طارق الأبياري.

وأعربت سمية الخشاب عن سعادتها بـ المشاركة في هذا العمل المسرحية، فقالت: "أنا سعيدة إني ضمن هذه المنظمة، واشتقت للمسرح ورد الفعل الفوري من الجمهور أمامي، والمسرح أصعب أنواع الفنون وأرقاها، وسعيدة بالعودة له مع المؤلف أحمد الإبياري، وأنا مقرأتش المسرحية ومضيت على طول، أنا بشكر شركة الإنتاج، وسعيدة بأجواء المسرحية وأن البروفات ممتعة أوي، ودايما البروفات بتسهل علينا الحركة والحفظ”.

سمية الخشاب وشيرين عبد الوهاب بين الهجوم والانتقادات

هذا وانقلبت سمية الخشاب على شيرين عبد الوهاب بعدما كانت قد وجهت رسالة دعم لها في أزمتها، وذلك بعدما أعلنت الأخيرة مقاضاتها لـ شقيقها محمد عبد الوهاب: "اللي يخسر اي حد من اهله عشان اي حاجه في الدنيا يبقي فعلا انسان محتاج علاج".

وسبق ودعمت شيرين عبد الوهاب سمية الخشاب، فقالت: "حبيبتي شيرين، ربنا يقويكي، حاسه بيكي وعارفه انتي بتمري بايه اكتر من اي حد، ربنا يقومك بالسلامه عشان اللي مريتي بيه في السنين الاخيره مفيش بني ادم يقدر يستحمله، طيبة القلب ساعات بتبقي ابتلاء اكتر من انها نعمة”.