بالتعاون مع مولوتوف.. فيفتي يطرح كليب bad trip في هذا الموعد

أعلن مطرب المهرجانات فيفتي عن تعاون جديد له مع مطرب الراب مولوتوف، في كليب بعنوان bad trip وذلك عبر حسابه بإنستجرام. 

تحيا مصر يرصد لكم تفاصيل كليب فيفتي ومولوتوف bad trip 

تفاصيل كليب bad trip   

ونشر فيفتي جزء من الكليب عبر خاصية ستوري بانستجرام، وعلق: جديد يوم الحد الجاي كليب bad trip فيفتي ومولوتوف. 

ويذكر، أن اعتذر مولوتوف عن اسلوبه بعد قرارات اجتماع النقابة، بعدما وجه هجوم صريح لعفرتو ومروان موسى، وذلك عبر حسابه على انستجرام. 

مولوتوف يعتذر عن هجوم عفرتو ومروان موسى  

وكتب مولوتوف عبر خاصية ستوري بانستجرام: عايز اوصل رسالة للناس، أنا مش بطل ولا عايز حد يخليني بطل. 

وتابع مولوتوف: أنا الفترة الجايه عايز اركز في المزيكا لأن عندي شغل كتير مطلوب والبوم هينزل قريب، فـ مش عايز اخش في اي صراع ولا حد يدخلني في أي صراع عشان اقدر احافظ على نفسي نفسيًا والشغل يستمر. 

واختتم: وأنا بعتذر لأي حد فهم إني بهاجمه لأن أنا معنديش أي خلاف أو أعداء مع أي حد.

مولوتوف يهاجم عفرتو ومروان موسى 

وكان قد هاجم مولوتوف كلًا من عفرتو، ومروان موسى بعد حضورهم اجتماع النقابة، وكتب عبر خاصية ستوري بانستجرام: أنا شوفت ازاي في ناس من الفنانين هيتشلوا من اللي بيحصل وأنا واحد منهم.. ومعترضين على الرابرز اللي بيسلموا الفن وبيبيعوه بأرخص تمن، وبينشروا الجهل بين الشباب.

وأضاف مولوتوف: وبناء على هذا تم حذف التعاون بيني وبين مروان موسى وعفرتو من اليوتيوب، ومش هيتم التعامل مع أي حد باع الفن تاني وهيكون في حملة كبيرة ضد كل الأنواع من الم**** سواء ان كان من الفنانين أو من غير الفنانين.

واختتم: الراب مش عن الفلوس والشهرة بس حرام عليكوا ضيعتونا.

عفرتو بعد اجتماع النقابة 

وكان قد علق عفرتو على اجتماع النقابة الذي حضره قبل أيام قليلة بمجرد عودته منه، ووجه رسالة للفانز عبر حسابه الرسمي بانستجرام. 

وقال عفرتو عبر خاصية ستوري في انستجرام: عايز اقول شكرًا لأي حد دعمني، شكرًا لأي حد وقف جنبي بكلمة بأي حاجة، احنا الحمد لله رجعنا وكله تمام وأنا رجعت ودلوقتي أنا زي مانا مش موقوف ومفيش عليا غرامة، والموضوع كان سوء تفاهم ولما عرفوا إن أنا متبلغتش أجي المعاد عملولي التماس.