كارول سماحة: الغنا على المسرح مختلف والفنان بيتأثر بحالته النفسية

تحدثت الفنانة كارول سماحة عن أغني اللي خان وهي تتر مسلسل ضد الكسر، وحبها لتقديم أغاني تترات المسلسلات، كما قدمت اغنية اللي خان على المسرح لأول مرة خلال برنامج انغام.

تحيا مصر يرصد لكم تصريحات الفنانة كارول سماحة

وقالت كارول سماحة خلال استضافتها ببرنامج أنغام التي تُقدمه الفنانة أنغام عبر قناة دي أم سي: الأغاني في المسلسلات بتتاخد في زاوية مختلفة ومحمد العدل كلمني وقالي في أغنية مش هتليق على صوت حد غيرك وأنا وافقت أعملها.

وتابعت: أغنية اللي خان بقول فيها يخربيت اللي خان وكان أول مرة أستخدم الكلمة دي في الأغاني بتاعتي، لكن انا عندي كذا تجربة في أغاني المسلسلا والأفلام.

كارول سماحة أغنية حبيت دلوقت كأني عملتها إمبارح

وأضافت: عملت اغنية حبيت دلوقت في فيلم أحلام عمرنا للفنانة منى ذكي وكان من 17 سنة ولسه الأغنية دي ناجحة وبحس ان هي كانها معمولة إمبارح.

وكشفت: أغنية اللي خان مغنتهاش ولا مرة على المسرح لأنها نزلت بعد الكورونا وكلنا كنا قاعدين في البيت بس الأغنية لايقه على شخصيتي جدًا ودي اول مرة أغنيها على المسرح. 

كارول سماحة: الغنا على المسرح حالة تانية

وتابعت: بحس أن الغنا على المسرح حياة تانية وحالة تانية  وكل مرة بغني الأغنية بتبقى حالة مختلفه على حسب حالتك النفسية والمغني ساعات بيتأثر بحالته النفسية على المسرح، واللحن لما بيختف بتأدي بإداء مختلف وأختلاف الجمهور كمان.

وقالت: في اوقات بتفرج على نفسي في حفلة وبقول أنا أزاي عملت كده وانفعلت بالطريقة دي ومرة تانيه مش بنفعل والموضوع بيجي عفوي وتلقائي والموضوع ده مش بيجي مع كل الفنانين. 

وكشفت كارول: في معظم اوقاتي بسمع الموسيقى وبحب اسمع موسيقى متنوعة، من أقصى الغربي لاقصى الطرب، وأنا بحب أسمع أغاني الروك والجاز وأنا درست واتعلمت آلة الكمان لمدة 4 سنوات، وكانت الآلة صعبة جدًا وعايزة مذاكرة كتير وكنت بالحرب اللبنانية ووالدي كان بياخدي على الكورس وقت القصف و مُدرستي مشيت من الكورس وهربت وساعتها انا وقفت وندمت اني وقفت.